VALERIE HERA
Sunud-sunod ang pag-iling na ginawa ko habang magkaharap pa rin kami ni MJ.
"Hindi 'yan totoo..."
"Ayoko rin sanang maniwala. Pero dahil mamam@tay tao rin ang ama n'ya, hindi na 'ko magtataka pa." Inilahad niya ang kamay niya kung saan nakapatong ang dalawang tableta ng gamot. Inabot niya rin sa akin ang bottled water na hawak naman niya sa kabilang kamay. "Inumin mo."
Parang lalong nanginig ang laman ko sa sinabi niya kaya agad ko 'yon tinabig. Hindi ko alam kung saan pa siya kumukuha ng lakas ng loob para ipainom sa akin 'yon gayong alam ko na kung para saan 'yon.
"Ayoko na, MJ. Tama na. Hayaan mo 'kong makaalala nang tuluyan. Gusto kong malaman ang lahat," may pagmamakaawa kong sabi.
Bahagya siyang napangiti. Isang mapait na ngiti. "That's a good idea then. Kapag naal
