PHOENIX GONZALES
Nakaupo ako sa upuan ko at ang dalawa kong kaibigan ay nakatingin sa 'kin na parang binabasa ang nasa utak ko at buong pagkatao ko. Bolang kristal na lang ang kulang sa kanila. Kanina pa sila gan'yan. Pagpasok ko pa lang sa room, parang pinag-eeksperimentuhan na nila 'ko gamit ang tingin nilang nakakatakot.
“Nix," tawag sa 'kin ni Kim.
“B-Bakit?” kinakabahan ko namang tanong kaya dinampot ko agad ang bote ng tubig sa harap ko para lumagok doon.
“Yung totoo? Ano'ng ginagawa mo sa bahay ni Jake O’Hara?” Nagulat ako sa tanong ni Kim na ikinasamid ko. Hinagod pa niya ang likod ko na may kasamang kaldabog, at pakiramdam ko pati spinal chord ko makakalas na kaya agad kong tinabig ang kamay niya.
“Oo nga. 'Yung anak ng may-ari ng university na 'to?” dagdag pa ni Hanna.
Sp
