VALERIE HERA
Matapos i-park ni Jake ang sasakyan niya, sabay na kaming bumaba. Guwapong-guwapo siya sa suot na denim-styled na long sleeve na nakatupi hanggang siko. May inner shirt siyang kulay puti, kita ‘yon sa bandang dibdib dahil bukas ang hanggang dalawang butones sa taas. Itim na pantalon at kulay puting sapatos na nagpaangas lalo sa porma niya. Ako naman, iyong suot ko pa rin sa Jollibee kanina.
“What’s wrong?” tanong niya. Huminto kasi ako kaya huminto rin siya para lingunin ako.
Ngunit sa halip na sagutin siya, kinapa ko sa bulsa ko ang lip balm na lagi kong dala. Dinukot ko ‘yon at saka ako madaliang nag-apply sa lower lip ko, then pinagdikit ko at pinagkiskis para makulayan din ang taas.
"Sarap naman. Sana all lipstick." Nangunot ang noo ko sa sinabi niya.
"Kahit lalaki k
