GINO VILLASIS
Pupungas-pungas akong pumunta sa kusina. Ayoko pa sana bumangon pero kailangan kong ipagluto ang pinsan ko at ang nobya niyang kamukhang-kamukha ni Phoenix.
Daig ko pa nakakita ng multo kagabi. Well, inakala ko naman talagang multo siya ni Phoenix at ako ang target niya. Pero natauhan ako nang tawagin siya ni MJ sa pangalang Valerie.
Doon ko napagtanto na hindi multo ang nakikita ko kun’di totoong tao. At ang nakakapagtaka pa, bukod sa magkaboses sila ni Phoenix, iisa rin ang itsura nila.
Pero hindi ko nagawang magtanong sa pinsan kong si MJ. Nagsawalang kibo ako at nagkunwari na ngayon ko lang nakita ang nobya niya. Saka na lang siguro ako magtatanong. Hahanap muna ‘ko ng tiyempo para makausap nang sarilinan si Phoenix—I mean, Valerie.
Pero kung siya si Phoenix, bakit
