HANNA APRIL BRILLENTE
Nagmadali akong lumabas sa bahay dahil dalawang beses tumunog ang doorbell. Oo, hindi kalakihan ang bahay namin pero may doorbell kami. At nagulat ako nang mapagbuksan ko ng gate si Valerie.
"H-Hi, Hanna..." bati niya sa akin at bahagya pang ngumiti. Pero bakas ang lungkot sa mukha niya.
“Ano’ng ginagawa mo rito? Gabi na.” Alas nuebe na kasi ng gabi.
“Naistorbo ba kita?”
“Hindi naman.” Ang totoo, ka-chat ko pa si Gino kaya ganitong oras ay gising pa ako.
“Hindi mo ba ‘ko papapasukin?”
“My house is only open for my friends,” seryoso kong sabi. Pero para sa akin ay biro lamang. Gusto ko lang munang malaman kung ano ang magiging reaksyon niya at kung sasabihin niya ang dahilan ng pagsadya niya rito.
“Kukunin ko sana ‘yung remittance ngayong maghapon.”
“Hindi
