NAGULAT si Valeen ng biglang may umakbay sa kanya pagkapasok na pagkapasok niya sa entrance ng Jose Montenegro University. Tiningnan niya kung sino ang umakbay sa kanya. Napaawang ang bibig niya ng makilala kung sino ang umakbay sa kanya. Hindi din niya napigilan ang panlalaki ng kanyang nga mata habang nakatingin siya dito.
“Red!” Bulalas niya sa pangalan ng umakbay sa kanya.
Humalakhak naman si Red nang makita nitonang naging reaksiyon niya. Hindi naman niya napigilan na mapatitig sa mukha nito. Lalo kasi itong gumwapo sa paningin niya habang humahalakhak ito. “Oh, Hi Valeen,” bati nito sa kanya ng tumigil ito sa pagtawa. Pagkatapos niyon ay inalis na nito ang pagkakaakbay sa kanya.
“Ang aga mong pumasok, ah.” Komento nito habang sinasabayan siya sa paglalakad.
“Uhm, maaga talaga ak
