Napaawang ang labi ko nang makita ang nakasulat sa papel. Hindi ko alam kung ano bang mararamdaman ko, kung matutuwa, maiinis, o kung ano pa man. Napailing na lang ako nang dahil sa iniisip ko at isinoli na lang sa kaniya-kaniyang shelves yung dalawang libro na natitira sa’kin.
Pagkabalik na pagkabalik sa lamesa ay iniayos ko na rin ang gamit ko maging ang mga xerox copy. Napakarami nito kung tutuusin at aaralin ko pa mamayang gabi para paspasan na lang ang review na gagawin namin kung kailan man matutuloy.
Nang maayos ko na at masigurado na wala na akong nakalimutan, naglakad na rin ako palabas ng library para kitain din si Ethan. He’s right na gabi na at ayoko rin naman na magcommute pa papauwi nang dahil sa napaparami nanaman yung kaso na ginagahasa sa may banda sa amin.
“There you a
