Elora's POV
Naalimpungatan ako nang marinig ko ang ingay ng pinto na bumukas, gusto kong magmulat ng mga mata pero hindi ko magawa dahil sa bigat ng aking mga talukap.
Nananaginip na naman ba ako?
Narinig ko ang mga yabag ng isang tao. Nagsimulang dinambol ang puso ko sa kaba, hindi ko alam kung bakit ako nakadama ng kaba gayung isang panaginip lang naman ito.
Ilang sandali pa nga ay naramdaman ko ang paglubog ng kama sa may gilid ko, madilim ang buong kwarto ko at tanging maliit na ilaw lamang sa lampshade ang nagsisilbing liwanang tuwing natutulog ako.
Gusto kong gumalaw at tingnan ang taong nasa tabi ko lang ngayon pero hindi ko talaga magawang gumalaw dahil para bang nanigas ang buong katawan ko. Mas lalo pa nga akong nilukob ng kaba at gusto kong gumalaw at umalis sa kama, ngunit
