Hindi naging madali ang napili niyang propesyon. Kita ang malaking pagtutol sa mukha ng kanyang mga magulang—mga kapatid, kaibigan at ganoon na din sa babaeng pinakamamahal niya—si Phoebe.
"Mahal—kailangan mo ba talagang lumayo sa amin? Mindanao iyon mahal," naluluhang sambit ni Phoebe noong isa-isa nila itong niyakap para magpaalam.
Nandito ang kanyang buong pamilya. Sila ay nagtipun-tipon. Nasa headquarters silang lahat— pati ang kanya-kanyang pamilya ng kanyang mga kasamahan ay nandito rin dahil ito ang araw ng pag-alis nila patungong Mindanao.
"Mahal, babalik akong buhay. At pagbalik ko, magpapakasal na tayo' hintayin mo ako mahal." Tumango-tango lamang si Phoebe habang panay ang kanyang paghikbi.
"Mag-iingat ka ah' alagaan mo ang sarili mo para sa akin. Babalik ako mahal at bubuo
