“Mauna na kami.”
Parang nag-aatubili pa si Leandro na isarado ang pintuan ng kotse na kinalululanan ni Romina. Kanina pa sila nagpapaalam sa isa’t-isa pero ayaw pa rin nitong umalis sa kinatatayuan.
“Isa pa.”
Lumuhod ito at kinintalan nito ng halik ang tiyan niya. Hindi lang isa kundi maraming beses. Si Aling Judith na nakatitig sa kanila at si Kuya Mario na nasa harap ng manibela ay hindi maiwasang mapangiti.
“Mali-late ako.”
Nagbago ang habas ng mukha nito. “I’m tired of this.”
Kunot-noo niyang tiningala si Lean. Hawak nito sa kaliwang kamay ang car door habang nakatukod sa bubong ng sasakyan ang kanang nang nakasilip naman sa kanya. “Saan?”
“This,” anitong kumumpas pa ang kaliwang kamay. “Ang pumasok na hindi ka kasabay.”
“Lean naman.”
Nagpakawala ito ng malalim na buntong-h
