Nagising si Romina sa marahang haplos sa buhok niya. Dahan-dahan siyang napamulat. Malambot pa ang liwanag ng umaga na sumisingit mula sa manipis na kurtina. Tahimik ang buong kwarto maliban sa mahinang ugong ng aircon at sa mabagal na t***k ng puso ni Lean sa ilalim ng tenga niya.
Nakasiksik pala siya sa dibdib nito.
Napangiti siya. Parang musika kasi. Ang sarap sa tainga at banayad na nanunuot sa puso.
Naramdaman niya ang mainit nitong braso na mahigpit na nakapulupot sa bewang niya, tila kahit sa pagtulog ay ayaw siyang pakawalan.
“Morning, mommy,” paos nitong bulong.
Napatingala siya rito.
Magulo ang buhok nito. Mabigat pa ang mga mata. Ngunit nakangiti ito habang nakatitig sa kanya na para bang siya agad ang unang hinanap pagkagising.
“Good morning,” mahina niyang sagot.
Hu
