"THE SUBSCRIBER cannot be reached. Please try your call—"
Inis na pinatay ni Blitzen ang tawag. Pang isang daang beses na niyang tinatawagan ang telepono ni Krisstine ngunit nakapatay pa rin iyon. Nanghihinang napabuntong-hininga siya. Wala pa rin silang clue kung nasaan na si Krisstine.
Vixen said that the airport didn't have any records of Krisstine going out of the country. At least, kahit paano'y nakahinga siya ng maluwag doon. Mas mahihirapan siyang mahanap ito kung sakaling nasa ibang bansa na ito. Sa Pilipinas na nga lang ay nababaliw na sila sa kakahanap. Nakausap na rin ni Donder sina Rocky at Yayo.
Nasuntok na niya't lahat si Rocky pero wala rin siyang nahita rito. Tigas ito sa pagsasabing hindi nito alam kung nasaan si Krisstine. Kahit ang mga magulang ni Krisstine ay nagawa
