Inagahan ni Julie ang paggising niya dahil alam niyang Monday at paniguradong rush hour ang tatahakin nila ni Elmo sa daan.
Mabilis siyang nakaligo at nakapagbihis.
"Anak ang aga mo ah." Bati ni Queenie sa kanya habang nakaupo ito sa hapag.
Humalik si Julie sa pisngi nito pati na din kay George na tahimik na umiinom ng kape.
"Monday po kasi ma, don't want to get caught up in traffic."
"Hindi pa nga lumalabas ang araw." Sabi ni George habang napapasilip sa bintana sa labas.
"That's the point pa." Ngiti ni Julie. Kumuha lang siya ng isang piraso ng tinapay at mabilis na kinain yon. Siniyasat pa niya ang mga gamit na dala, sinisigurado na wala naman siyang nakalimutan bago balingan ng tingin ang mga magulang. "Ma, Pa una na po ako, daanan ko pa po si Elmo. Pakisabi na lang po kay lola n
