Lahat tayo nakakagawa ng mali. Lahat tayo natutukso sa mga bagay na hindi natin akalain na magagawa natin. Tao lang kasi tayo. Wala naman kasing ginawa ang Diyos na perpekto.
Kaya maging ang mga taong pinagkakatiwalaan natin ay nakakagawa ng masama. Naiinggit o 'di kaya'y hindi nagiging masaya sa kung anong mayroon sila.
Kaya ang resulta, sinisiraan ka, hinihila ka pababa. Ang taong akala mo na tutulong sa'yo ay siya pang sasaksak sa'yo patalikod.
Hindi naman sinasadya ni Kurt ang nagawa niya. Inaamin naman niya na may kasalanan siya. Nadala siya ng tukso at epekto ng alak ng mga oras na iyon.
At sumagi sa kanyang isipan na; "Nasa malayo naman ang asawa ko, at isang beses lang naman." Nasambit niya ang mga katagang iyan sa mga oras na nanganganib ang kanyang pagiging padre de pamilya a
