NATALIA’S POV
Habang nagbabyahe ako pabalik sa bahay namin ni Apollo ay marami akong iniisip. Ang mga naging payo sa akin ni Daddy. Hindi ko mapigilang kagatin ang kuko ko sa hinlalaki.
Kinakabahan ako pero kailangan kong maging matapang. Iyong galit ko sa kaniya kanina nang malaman kong matagal na pala niyang alam ang tungkol kay London, parang nawala iyon.
Gusto kong marinig ang explanation niya. Kung matagal na pala niyang alam na may anak kami, bakit hindi niya kami sinubukang puntahan? Bakit umarte siya na para bang wala siyang alam?
Si Penelope, mahal ba talaga niya ito? Pero bakit magiging sila kung hindi? At sa isipang ang bilis para sa kaniya na makahanap ng iba, habang ako ay naghihintay at umaasang isang araw, magigising siya at mare-realize niyang mahalaga pala ako sa kaniy
