TAHIMIK pa rin si Elyse nang pumasok sila ni Ezra sa loob ng isang mansyon. Hindi niya alam kung anong gagawin nila roon o kung sino ang kakausapin nila dahil wala naman itong binabanggit sa kaniya. Pareho lang silang tahimik ni Ezra habang nasa biyahe papunta roon.
“Mabuti naman at dumating ka na, Lieutenant,” nakangiting bati ni Major Gonzales kaya napasaludo siya. “Siya na ba ang makakasama mo sa operasyon na ‘to?”
“Opo, Major, wala na rin naman akong ibang taong mapagkakatiwalaan sa station kaya siya na ang naisama ko,” usal naman ni Ezra.
“Good evening po, Major, ako po si Sergeant Elyse Jimenez,” magalang na pagpapakilala naman niya rito kasabay ng pormal na pagsaludo niya.
“Magandang gabi naman, hija,” nakangiting bati at tinanggap nito ang saludo niya. “Halika at maupo kayong
