Kahit na medyo sumasakit pa ang ulo ay iminulat na ni Andrei ang kaniyang mga mata. Masakit ang kaniyang katawan. Umikot siya upang tumagilid pero isang babae ang bumungad sa tabi niya. Mahimbing na natutulog ang babae habang nakayakap sa kaniya. Nakaunan din ito sa kaniyang braso. Kaya pala hindi niya maramdaman ang braso niya.
Natigilan si Andrei at napatitig na lang sa magandang mukha ni Noraine. Mahimbing na natutulog ito na tila pagod na pagod dahil naririnig niya rin ang mahinang paghilik nito. Napangiti na lang si Andrei bago ayusin ang iilang hibla ng buhok na nakaharang sa mukha ni Noraine.
Kahit na kailan ay hindi niya naisip na hahantong sila ni Noraine sa ganitong sitwasyon at sa aminin man niya o hindi ay ngayon niya lang naramdaman ang ganito kasayang pakiramdam nang makasa
