Pagkatapos nang mga narinig ni Noraine ay natulala siya. Mabuti na lang at nakahanap siya ng magandang tyempo upang makabalik sa private room ni Mr. Edwards bago pa siya maunahan ni Andrei sa pagbalik.
Pagkabalik niya sa k’warto ay agad siyang tinanong ni Ron kung nakita niya ba ang lalaki at nagdahilan na lang siya at sinabing hindi niya nakita si Andrei.
Sakto namang ilang sandali lang ay pumasok na si Andrei sa k’warto.
Naging mailap ang mga mata ni Noraine sa binata.
Napapatulala na lang siya dahil sa kakaisip sa mga narinig at nalaman kanina.
Lumipas ang buong maghapon na ‘yon na hindi nagpapakita si Lorebel sa kanila kaya wala silang ibang pagpipilian kung hindi ang manatili sa Hospital buong magdamag dahil sina Manang Celia ay kasalukuyan na nasa probinsya nila para makapagpahi
