Gabi na nang makabalik ng Hospital sina Noraine at dahil nga sa ginawa nila ni Andrei ay wala siyang naging maayos na paghinga kaya nang makarating sila sa Hospital ay nakatulog siya sa tabi ni Mr. Edwards. Nakadukmo siya sa gilid ng kama nito habang hinihintay ang paggising nito. Pinanghawakan na nila ang salitang binitawan sa kanila ng Doctor ni Mr. Edwards dahil gusto na nilang magising ang matanda.
Kahit na ang kapalit no’n ay ang pagdistansya nila ni Andrei sa isa’t isa.
Hanggang ngayon ay naguguluhan pa rin siya, hindi niya alam ang gagawin.
Hindi naman p’wedeng pagkagising pa lang ni Mr. Edwards ay magkaro’n na naman ito ng isipin. Baka makasama lang ito sa matanda. Ayaw niya munang ipaalam kay Mr. Edwards ang plano niya na pag-alis. Gusto niya munang maging malakas ito para kapa
