الحلقه التاسعة

1817 Words

الحلقه التاسعة من رواية قلوب تنزف عشقاً بقلمي : عبير سليم ??????? صفاء : و افرضي ما رجعش يا ياسمين ياسمين : بردو حستناه حفضل مستنياه العمر كله لكن مش ممكن أكون لحد غيره انا اصلا مينفعش اكون لحد غير حمزة افهموني يا ناس اسامه و هو يشدها من شعرها بقسوة و يرميها فى الارض و يض*بها بقدمه في كل انحاء جسمها : انتي بتقولي ايه بتقولي ايه يعني إيه مينفعش تكوني لحد غيره انتي ايه اللي حصل بينك و بينه ده انا حدفنك بالحيا حطيتي راسنا فى الطين يا ياسمين سلمتيله نفسك يا ياسمين ده انا حقتلك و اشرب من دمك سلمتيله نفسك عملتي إيه من ورانا كنتي بتغفلينا يا ياسمين ياسمين و هي تصرخ من شدة الض*ب : و الله ما عملت حاجه انا مفيش حد لمسني انا حمزة عمره ما لمسني صفاء و هي تحاول ابعاده عنها : اختك محترمه يا اسامه اختك متربيه و متعملش كده ابدا أسامه : ليه متعملش كده ليه و هي كانت سارحه معاه ليل و نهار انا حخلص عليكي يا ياسمين و ديني لاقتلك و اشرب من دمك صفاء : و تقتلها ليه بس ما الراجل حيتجوزها اهوه أسامه : اعملوا حسابكم كتب الكتاب و الدخله يوم الخميس الجاي و البت دي متخرجش من البيت لحد ما اغورها من هنا و اعملي حسابك لو فتحتي بؤك بكلمه حجيب السكينه و اغرزها في قلبك و اغسل عارك بأيدي صفاء : يعني عاوز تقتل اختك و تضيع نفسك يا بني انت اتجننت ده انا كنت اموت فيها لاء ياسمين عاقله مش حتعمل حاجه تضيع بيها نفسها و تضيعك صح يا ياسمين مش كده يا بنتي كانت ياسمين ترتجف من شدة البكاء و لا ترد بكلمه أسامه : قلتي إيه سمعيني صوتك موافقه و اللا عندك اعتراض ياسمين و هي تبكي بشده : و النبي يا اسامه حرام عليك ده انا اختك اهون عليك تعمل فية كده اهون عليك ترميني لواحد معرفش ياخد مني اللي هو عاوزه فالحرام فجه يضحك عليكم بقرشين عشان ياخد اللي عاوزه مني بعقد و بعد كده يرميني اهون عليك تعمل فية كده هو انا للدرجه دي رخيصه اوي كده في نظركم للدرجه دي بايعني حرام عليكم تعملوا فية كده ماما انتي طول عمرك قاسيه علية و عمري ما حسيت بحنانك مشفتش منك حنيه مشوفتش غير قسوة فى المعامله كأني مش بنتك و دلوقتى خلاص حتبيعيني للي حيدفعلكم التمن حرام عليكي يا ماما اقفي جمبي متسيبينيش لأسامة يعمل فية كده صفاء: لا و الله يا ياسمين انا صحيح طول عمري جامده عليكي بس مش عشان مبحبكيش ده انتي بنتي يا ياسمين ضنايا انا بس مكنتش بتعجبني تصرفاتك و لا تفكيرك طول عمري شايفاكي بايعه الدنيا بتفكري فى اللي حواليكي و مبتفتكريش نفسك و يوم ما حبيتي رحتي حبيتي واحد كحيان مش لاقي ياكل انا كان نفسي تكوني واعيه و عارفه مصلحتك تتجوزي جوازة حلوة ترفعك لفوق تعيشي الدنيا اللي طول عمرك محرومه منها مش تحكمي على نفسك تعيشي في الفقر و الق*ف طول العمر عاجبك العيشه اللي احنا عايشينها دي انا طول عمري عايشه فى الفقر و دقت مرارة انك يبقى نفسك في الحاجه و متقدريش تجيبيها عشان متحتكميش على حاجه عيشي يا ياسمين عيشي الحياة الحلوة دوقي طعم اللقمه الحلوة نامي على فرشه حلوة البسي اللبس اللي عمرك ما شفتيه غير على الممثلات فى التليفزيون عاوزة تحرمي نفسك من كل ده ليه و عشان مين عشان واحد الله اعلم اذا كان حيرجع و اللا لاء ياسمين : الواحد اللي بتتكلمي عنه ده حب عمري كله يا ماما الحب اللي عينيه فتحت عليه صفاء : الحب بيروح مع الفقر حيفضل يطلع من شغلانه على شغلانه حيرجعلك حيله مهدود من بهدلته فى الشغل و لا حيبقى في حب و لا اي حاجه و ساعتها حتكرهيه و تكرهي نفسك و عيشتك كلها ياسمين : لا يا ماما انا لا عاوزة عيشه مرتاحه و لا عاوزة انام على حرير انا مش عاوزة غير حمزة و بس أسامة : دي بني آدمه غ*يه انتي بتتكلمي مع مين بت انتي انا اديت كلمه للراجل و مش حرجع فيها سامعه و اللا لاء جتك الهم بت فقر يتركهم و يخرج صفاء : ياسمين اسكتي خالص مش عاوزة اسمعلك صوت انتي عارفه اخوكي مش عاوزين فضايح ياسمين : طب اعمل ايه انا دلوقتى يعني انتوا خلاص حكمتوا علية بالإعدام صفاء : اعدام ايه بس ده انتي حتدخلي دنيا يا بنتي ياسمين : انتي بتكدبي و تصدقي نفسك يا ماما دنيا ايه اللي حدخلها انتي مصدقه انه عاوز يتجوزني عشان اعيش معاه على طول انا وجودي معاه حيبقى فترة مؤقته يا ماما حياخد مني اللي هو عاوزه و يرميني يا ماما صفاء : انتي و شطارتك بقى يا فالحه حببيه فيكي و اعمليله كل اللي هو عاوزه و لو شاطرة اتجدعني و جيبيله عيل ساعتها مش حيقدر يستغنى عنك ابدا بقولك ايه اعقلي كده و فوقي لنفسك و اعرفي مصلحتك يا للا قومي غيري هدومك دي و كليلك لقمه و اللي عاوزه ربنا هو اللي حيكون ??????? انتي بتعيطي ليه يا ام حمزة بس هي البنت مش من حقها تتجوز و تفرح و اللا حنحكم عليها بالإعدام فاطمه : و حمزة خلاص مش ده اللي كانت روحها فيه هو ايه اللي ضيعه مننا مش عشان خاطرها هيا ما الواد كان في حضننا يا حبيبي يا بني يا خسارة شبابك اللي راح هدر يا ضنايا و فى الاخر اهيه اللي انت ضيعت نفسك عشانها نسيتك و بسرعه اوي هي ايه ما صدقت اتخطبت و حتتجوز و تفرح و انت رحت خلاص يا ضنايا يا بني منى : بس يا ماما بقى الله يخليكي كفاياكي عياط يا ماما حتروحى مننا فاطمه : ما اروح و انا اقعد ليه و عشان مين بعد ما الغالي راح محمد : خلاص بقى يا فاطمه كفاكي الله جاب الله خد الله عليه العوض انت الحنين يا رب العوض من عندك انت يا رب منى : انتي متأكده يا ماما من الكلام ده فاطمه : بقولك اسامه بعضمة ل**نه هو اللي قال لام السيد انه خطيبها لاء وايه بتقولك شكله بيه عيني عليك يا حمزة رحت بلاش يا حبيبي تعالى شوف حبيبتك اللي سيبت الدنيا كلها عشانها و هيا بتتجوز غيرك فجأة يسمعون طرقا عنيفا على الباب تقوم منى سريعا لترى من الطارق تفتحه لتجدها تدخل سريعا فيتفاجا الجميع بوجودها فاطمه : اهلا بالعروسه مب**ك يا حبيبتي طب مش تعزمينا ده احنا بنعرف نعمل الواجب بردو و اللا خلاص حمزة نسيتيه و نسيتي أهله كمان ياسمين : لا لا و الله يا طنط انا عمري ما نسيت حمزة و لا قلبي يقدر ينساه ابدا فاطمه : اه متقدريش تنسيه لكن تقدري تتخطبي و تتجوزي غيره مش كده محمد : بس بقى يا فاطمه الله يخليكي حرام عليكي البنت متعمليش فيها كده تعالي يا بنتي ياسمين و هي تبكي : و الله العظيم يا عمي انا اتفاجئت بالراجل ده و انا موافقتش و الله ما وافقت انا هربت من البيت و حتى خفت اروح عند خالتي لأن ده أول مكان حيدوروا علية فيه اول مكان فكرت فيه هنا عندكم قلت مليش مكان غير وسط اهل حمزة حتقفوا جمبي و تخلوني في وسطكم و اللا اروح للبحر انا كمان ما نا خلاص مبقليش غيره ارمي فيه نفسي و اروح انا كمان بس انا عايشه على أمل ان حمزة حيرجعلي خايفه عليه يحصلله حاجه لو رجع و ملقانيش محمد : لو الأرض ما شالتكيش نشيلك فوق راسنا يا بنتي ده انتي تنورينا يا حبيبتى انتي عارفه غلاوتك عندي بس يا بنتي انتي ليه مش موافقه عليه اتجوزي يا بنتي و افرحي و الحي ابقى من الميت ياسمين : لاء ميت لاء حمزة عايش و حيرجع و انا حستناه و لو مكنتش لحمزة مش حكون لحد غيره فاطمه : يا حبيبتى يا ياسمين و انا اللي قلت انك نسيتيه خلاص و بتدوري على مصلحتك يا حبيبتى يا بنتي ياسمين : انسى مين انسى حمزة ده روحي حد ينسى روحه قعدوني في وسطكم و انا و الله مش حتقل عليكم و مش حضايقكم فاطمه : تضايقينا ده ايه ده انتي حبيبة الغالي ربنا يرجعك بالسلامه يا ضنايا و يطمن قلوبنا عليك يا قادر يا كريم يا رب محمد: لا حول و لا قوة الا بالله العلي العظيم خليكي يا بنتي معانا و ربك ان شاء الله حيحلها قومي ادخلى غيري هدومك خديها يا منى تستريح تبات نار تصبح رماد و ليها رب يدبرها إلى أين ستاخذنا تلك الحياة و إلى اين ستلقينا الرياح فهل ستوجهنا حيث تهوى القلوب و تميل الافئدة أم ستعبث بنا و تلقي بنا حيث لا نرغب و لا نتمنى و ها هي مستلقيه على فراشها مغمضة العينين هائمه فى ذاك الذي يحتل العقل و القلب و يملك الوجدان تحدث نفسها الى متى ستظل لا تشعر بمن يهواك و يتنفس عشقك الم يحن الوقت بعد لتشعر بذاك الحب الذي يملاء كل حياتى كيف لك الا تستمع لصوت دقات قلبي التى تنطق باسمك التي تنبض من أجل حبك يا رب لقد دعوتك كثيرا و كثيرا أن تجعله من نصيب ذاك القلب المعذب الذي لا يبغى شيئا من تلك الحياه سوى ذاك الحبيب الذي أحبه القلب منذ زمن بعيد لما تبخل علينا الحياة دائما و لا تمن علينا سوى بما تريده فقط و لكن ما علينا سوى التضرع إلى الله بالدعاء تترك لخيالها العنان و تعيش مع نفسها لحظات تتمنى ان تتجسد فى صورة واقع تعيشه فى يوم من الأيام و لكن هناك من يخرجها من تلك الأحلام الوردية ليوقظها على ذاك الواقع الذي تعيشه مكالمة تليفونية يعلن عنها ذاك الهاتف فتفتح الخط : ايوة يا ياسمين ياسمين : خلود اسمعيني كويس خلود : مالك يا ياسمين فى إيه حصل حاجة خالتو كويسة ياسمين : خلود انا مشيت من البيت خلود : مش فاهمة مشيتي ازاي يعني ياسمين فى إيه ياسمين : حقولك و اسمعيني يا خلود ?????? يأتي الصباح و كل يسعى لتحقيق ما يتمناه يجلسون على مائدة الإفطار فيقرر ان يعلمهم بما عزم عليه فى مفاجئة حلوة حتفرحكم و خصوصا انتي يا ميرا حتفرحي أوي يامن بخبث : اوعى يكون اللي فبالي بس من ورايا و ده ينفع بردو ده احنا دافنينو سوا راغب : ههههههه ما نت عارفني بحب اقول الحاجة فوقتها يامن : عارف ده انا حافظ يا عمي العزيز راغب : طب ياللا حضر المليون جنيه يامن : هههههه انت فاكرني اهبل و اللا ايه احنا كنا بنتكلم فى حاجة و دلوقتى الكلام على حاجة تانية يا معلم و ان جيت للحق المفروض انت اللي تدفع لأن محصلش غير اللي أنا قلت عليه صح و الا إيه ميرا : يامن انا مش فاهمة حاجة هو فى إيه انتوا بتتكلموا عن إيه راغب : انا حتجوز يا ميرا ميرا : بجد طيب كويس ألف مب**ك يا بشمهندس يامن : لا و لسه بقى لما تعرفي مين العروسة حتفرحي أوي ميرا : هو انا اعرفها يامن : عز المعرفة تحبي تعرفي مين؟ ميرا : مين يا يامن يامن : ياسمين صاحبتك ميرا : مالها ياسمين هي تعرف العروسة مش ممكن معقولة تكون تقصد خلود بنت خالتها راغب : خلود أعوذ بالله ميرا : أنا اسفه بس لما قلتوا ياسمين هي اللي جت في بالي على طول لأنها صاحبتها الوحيدة امال إيه علاقة ياسمين بالموضوع ده أنا بجد مش فاهمه حاجه يامن : ههههههه انا حفهمك يا ميرو ياسمين يا حبيبتى هي العروسة نفسها ميرا : عروسة عروسة مين انتوا بتتكلموا عن ياسمين مين بالظبط راغب : ياسمين سكرتيرتي يا ميرا او بمعنى اصح اللي انتي بعتيها تشتغل عندنا و انا شغلتها سكرتيرة لية

Free reading for new users

Scan code to download app

App Store Google Play

Facebookexpand_more