الحلقه الثالثه

1806 Words

الحلقه الثالثه من رواية قلوب تنزف عشقاً بقلمي : عبير سليم ??????? هناك أشخاص تدخل حياتنا على غير موعد و بدون انتظار لهم و نحن لا نعلم لما قابلناهم في حياتنا لما رايناهم و لما جمعنا بهم القدر هل لحكمة عند الخالق هل لنشعر بقيمة من هم في ايدينا ام لتسقط كل الأقنعة التي تخبئ عنا خبائث النفوس و مكنونات الصدور و لكن اذا كتب القدر لنا ان نلتقي بهم فسنقا**هم مهما حاولنا تجنبهم و البعد عنهم فكل شئ قدر اللقاء قدر و الفراق قدر و ها هي تجلس بجانب صديقتها و هي تحاول اقناعها بكل الطرق للذهاب لتلك الحفله و التي لا يعلمون ماذا سيخبئ لهم القدر فيها لا يعلمون بمن سيلتقون و بمن سوف تتغير الحياه بوجودهم و ظهورهم فيها ياسمين : انتي م**مه كده ليه يا خلود بس هو احنا يعني حنروح الجنه ما هي حفله لا حتزودنا و لا حتنقصنا حاجه خلود الله يخليكي سيبيني في اللي انا فيه انا اللي فية مكفيني و لا في دماغي حفلات و لا زفت على الدماغ انا لا حقدر افرح و لا انبسط غير لما اطمن عليه خلود : و حياتي عندك يا ياسمينتي توافقي و غلاوتي عندك عشان خاطري طب و حياة حمزة عندك اهوه اديني حلفتك بالغالي تقدري بقى تقولي لاء طاوعيني بس و مش حتندمي ياسمين : مش حندم هههههههه و الله شاكلك ناويلنا على مصيبه خلود : حاسس بمصيبه جايالي يالطيف يا لطيف مصيبه مكنتش على بالي يا لطيف يا لطيف مصيبة ايه بس يا ياسمينتي دي سهرة حلوه حنقضي وقت حلو و نرجع يعني هو احنا حرام علينا لو قضينا يوم واحد حلو في حياتنا هو احنا يعني بنروح فين و اللا بنيجي منين بس ما احنا من عندي لعندك ياسمين : طب و حتى لو طاوعتك و وافقت هو احنا عندنا حاجه تليق بمكان زي ده انتي مش فاكره اللي كانت ميرا بتلبسه و احنا فى الجامعه و أكيد الحفله حيكون فيها ناس أكابر احنا مش شبههم يا بنتي فين تروح يا صعلوك وسط الملوك خلود : فاكرة الا فاكرة يا لهوي ده انا كنت كل يوم بستناها لما تيجي عشان اتف*ج على لبسها حاجه شياكه شياكه يعني الهدوم اللي كانت بتلبسها كانت شيك بس الشهادة لله هى كانت بتلبس حاجات محترمه جدا بس انا الصراحه كنت بحبها أوي كنتي تحسيها كده طيبه و محترمه و عمرها ما اتكبرت علينا بالع** كانت بتعاملنا كاننا من نفس مستواها و الله ياسمين : أيوة بس زي ما قلتلك حتكون الحفله دي فيها ناس هاي حنروح احنا فين بقى في وسطهم خلينا في حالنا و النبي يا خلود خلينا ماشيين جمب الحيط زي ما احنا مش ناقصين كفايه علينا اللي احنا فيه كفايه علينا المر اللي شاربينه من كيعاننا خلود : شباك ايه و حيط ايه بس اللي احنا ماشيين جمبه ده احنا جوة الحيط يا قلب اختك بقولك ايه انا طول عمري حلم حياتي أروح فرح شبه اللي بشوفهم فى الافلام و المسلسلات انا شبعت من افراح خالتك ام محمد و ام احمد اللي تلاقي اهل العريس بيتخانقوا مع اهل العروسه عشان فرقوا الجاتوه على معازيمهم الأول و ممكن تقلب بخناقه و الجوازة تبوظ و تتفركش ههههههه ياسمين : ايوة ايوة فاكرة خطوبة كوثر اللي اهل خطيبها زعلوا عشان ما اخدوش من الملبس و الشكولاته اللي كانوا فعلبة الشبكه و حماتها اتخانقت مع امها ويعيني الخطوبه باظت خلود وياسمين : هههههههههه خلود : لاء بقى طب فاكرة فرح البت نعمه اللي حماتها اتريقت عالفرقه اللي جايبينها في الفرح و قالت عليهم انهم بيوفروا والشباب قاموا على بعض بالكراسي ياسمين : ههههههه ههههههه خلود : عشان خاطري بقى توافقي ياسمين : انا عارفاكي زنانه و مش حتسيبيني غير لما تاخديني بالعافيه خلود : ايوة بقى هو ده الكلام حبيبة قلبي يا ياسو ياسمين : ماشي يا خلود حاضر يا ستي ما انا مش حقدر ازعلك بس عندي شرط خلود : اشرطي زي ما نتي عاوزة المهم نروح ياسمين : منطولش هما حبه صغيرين و نمشي على طول و انا بقولك اهوه لو قلتلك يا للا بينا نمشي و انتي موافقتيش عشان انا عارفاكي استني شويه كمان عشان خاطري طب نقعد حبه كمان يا اختي انتي وراكي ايه ما تقعدي بصي حمشي و ربنا وحسيبك قلتي ايه خلود : قلت اوامرك يا ياسمين طبعاً تحت أمرك يا برنسيسه المهم اننا نروح بقى ياسمين : طب حنروح بأيه بقى يخرببيتك حتفضحينا و تخليهم يتريقوا على شكلنا خلود : سيبي الطلعه دي علية انا حفاجئك مفاجأة ياسمين : ربنا يستر علينا من مفاجآتك خلود : استر يا للي بتستر لا اطمني خالص ده انا حدلعك و ابسطك و ارجعلك صحكتك ياسمين : انا مفيش حاجه ممكن ترجعلي ضحكتي غير اطمن على حمزة و بس عارفه يا خلود انا كل اللي عاوزاه اطمن عليه وقتها حضحك و افرح و ارقص و اغني و حبقى حاجه تانيه خالص بس اطمن عليه ادعيلي و النبي ياخوخه اطمن عليه انا قلبي واجعني عليه اوي خلود : ان شاء الله حتطمني عليه يا حبيبتي ربنا يطمنا عليك يا حمزة يا بن فاطمه يا رب ???????? في احدى الفيلات الراقيه نجد الجميع يستعد على قدم و ساق للاحتفال بتلك الليله الجميله الأنوار تطغى على المكان بأكمله صوت الأغاني يصدح في المكان باجمعه الكل يتجمع و يتهاتفت على الحضور و المشاركة فى فرحة الليله و لما لا و الليله عرس احد رجال الأعمال الذين يتص*رون وسائل الإعلام بأكمله في الطابق الأعلى نجدها تفتح الباب و تدخل على أختها حيث كانت قد انتهت من الاستعداد لتلك الليله التي تحلم بها كل فتاه تطلق صفاره عاليه لتعلن بها عن مدى إعجابها باختها ميرا : هههههههه مجنونه و ربنا مريم : و هو في حد يشوف الجمال ده كله و ميتجننش قمر يا ناس اختي حبيبتي أجمل عروسه في الدنيا كلها أنا خايفه عليكي من العيون ميرا : حبيبتي يا مريومه انتي اللي أجمل اخت فى الدنيا كلها عقبالك يا حبيبتي يا رب مريم : يا رب يا ميرو يا رب ميرا : حتوحشيني و حتوحشني شقاوتك يا مريومه مريم : ده على اساس انك مسافره يعني ما نتي معانا بردو با روحي كل اللي بينا مسافه صغيرة اوي دقيقتين بالعربيه و بصراحه العربيه اللي جابهالك يامن طياره مش عربيه يا دوب تركبيها توصلي على طول ميرا : هههههههه حبيبتي يا مريم مريم : الف مب**ك يا ميرا الف مب**ك يا حبيبتي تدخل عليهم الام مريم : اهلا بنهله هانم اتفضلي يا مولاتي شوفي اميرتك نهله : عقبالك يا مريم يا حبيبتي مريم : يارب يا مامتي يا رب نهله و هي تمسك وجه ابنتها بيديها : بسم الله ما شاء الله قمر منور يا حبيبتي ميرا : ميرسي يا مامي نهله : ألف مب**ك يا حبيبتي ربنا يكمل فرحتنا على خير يا رب و اشوفك مبسوطه دايما يا حبيبتي ميرا : الله يبارك فيكي يا مامي نهله : مبسوطه يا ميرا ميرا : حبقى مبسوطه يا مامي نهله : أكيد طبعا يا حبيبتي حتبقي مبسوطه يامن بيحبك و اكيد حيخليكي تحبيه و تكوني مبسوطه معاه ميرا : ان شاء الله يا ما مي نهله : ميرا بقولك ايه يامن عاوز يطلعلك عشان تنزلوا ميرا : حاضر و انا جاهزة يا مامي بعد دخول يامن : يحتضنها و يقبلها من وجنتيها : ألف ألف ألف مب**ك يا حبيبتي ميرا : الله يبارك فيك يامن : بس ايه الجمال ده كله صحيح انتي دايما حلوه و جميله لكن النهارده انتي اجمل بكتير اوي انا بجد خايف احسد نفسي عليكي ميرا : ميرسي يا يامن يامن : ممكن أميرتي تتفضل معايا ميرا : حاضر يا يامن بعد قليل يقف الجميع و عينيهم مسلطه على تلك الأميرة التي تهبط على الدرج بفستانها الأبيض الطويل و جمالها الهادئ الذي يشع براءه و نقاءا كانت مثل الأميرات بفستانها و شعرها الحريري و مساحيق التجميل الهادئه التي وضعت بعنايه على بشرتها لتزدها جمالاً على جمالها كانت متابطه ذلك الشاب الذي يحتضن يديها و هو فى قمة سعادته لامتلاكه لتلك الفتاه التي تشع جمالا و التى سعى وراءها ليفوز بها و ها هي اليوم ستكون ملكا له وحده كان الجميع يصفق لهما منبهرين بها و بحسن اختياره لها و يلتقطون لهم الصور و الفيديوهات الكثيرة و يسلمون عليهما و يدعون لهما بالسعاده يخرجون جميعا إلى الحديقه التي تزينت للفرحه المنتظرة للاحتفال بتلك الليله السعيده يقف العروسان لافتتاح الليله برقصه بينهما على انغام موسيقيه هادئه بعترف قدام عينيك من النهارده انا عمري ليك سيبني احبك يا حبيبي و انسى روحي بين ايديك هو ده اللي حلمت بيه ضحكته نظرة عينيه يا حبيبي و انت جنبي تفتكر انا هعمل ايه يا حبيب قلبي الوحيد هات ايد*ك نبعد بعيد كل ما عيونك تاخدني يتولد احساس جديد هو ده اللي حلمت بيه ضحكته نظرة عينيه يا حبيبي و انت جنبي تفتكر انا هعمل ايه هو ده اللي حلمت بيه ضحكته نظرة عينيه يامن و هو يحتضنها بذراعيه : انا حاسس الليلادي اني اسعد انسان في الدنيا كلها و انا معايا أميرة الأميرات ميرا : ربنا يقدرني و اسعدك يامن : وجودك في حياتي هى السعاده اللي كنت بدور عليها ميرا : بتحبني يا يامن يامن : بحبك اوي يا ميرا و نفسي تحبيني اد ما بحبك تعرفي يا ميرا كان نفسي اوي اعملك فرح يبقى و لا الف ليله و ليله ميرا : انا اسفه يا يامن اني محققتش لك الامنيه دي بس صدقني انا لو علية مكنتش عاوزة فرح نهائي يامن : حبيبتي انا عارف انتي كنتي بتحبي باباكي اد إيه بس الموت علينا حق و زي ما بيقولوا الحي ابقى من الميت واحنا من حقنا نفرح و نعيش و أكيد هو دلوقتي فرحان و مرتاح ان بنته اتجوزت و بعدين الحفله بسيطه و مفيهاش غير الأهل والأصحاب و رقيقه زيك ميرا : ميرسي يا يامن على انك تقبلت وضعي وقدرت ظروفي يامن و هو يقبل يدها : انا اللي بشكرك على انك سمحتيلي اكون فحياتك يا ميرا و ها هما الاثنتان يدخلان الحفل و هما لا يعرفان اين يتجهان فهما لا يعرفان احدا فى الحفل و لا يفهمان طقوس تلك الأفراح يتجهون نحو الكوشه للسلام على ميرا لم تصدق ميرا عينيها فلقد احتضنتهما بشده و رحبت بهما ترحيبا شديدا و سألتهم عن احوالهما بينما كان يامن يتجول بين اصدقائه للسلام عليهم بينما هي اخذت تتحدث اليهما ميرا : يا حبيبتي يا ياسمين بعني خطيبك سافر معلش يا حبيبتي ان شاء الله تطمني عليه يا حبيبتي انا و الله لو كنت اعرف كنت قلت ليامن كان شغله معاه فى الشركه من غير ما يحتاج يسافر أصلا خلود : خلاص احنا فيها بس حنغير الشخصيه يا ريت لو تقوليله يشغل ياسمين في الشركه عندكم ياسمين : خلود ميرا : انتي عاوزة شغل يا ياسمين ياسمين : هو فى الحقيقه انا قدمت فى اكتر من شركه بس للاسف مفيش حد محتاج موظفين جداد أو تقدري تقولي بيشغلوا اللي تبعهم ميرا : دي حاجه سهله اوي يا حبيبتي بصي انتي تاخدي اوراقك و توديها الشركه عندنا و انا حقولك عليها و على مكانها و يامن حيعمل اللازم كله و ان شاء الله تشتغلي معانا ياسمين : بجد يا ميرا ميرا : و جد الجد كمان يا ياسمين و انتي يا خلود بتشتغلي خلود : لا انا دلوقتى طموحاتي حاجه تانيه خالص ركزيلنا انتي بس فياسمين الله يخليكي يأتي يامن فتعرفه عليهما و يسلمان عليه و يذهبان للجلوس بين الناس و لكن الاصوات العاليه جعلت من الصعب التحدث مع اي شخص و بدأت ياسمين ينتابها القلق و التوتر ????????

Free reading for new users

Scan code to download app

App Store Google Play

Facebookexpand_more