Naging emosyonal ang aking mga lolo at lola noong dumating na ang araw para magpaalam kami. Sigurado kasing matagal na naman bago kami muling magkita-kita. Gayunpaman ay sulit na sulit talaga ang bakasyong ito na kasama sila.
“I’m excited to see my island again. Alam mo ba, Portuguese ang mag-asawang katiwala namin doon,” pagbibigay-alam ko kay Landon habang nasa biyahe kami.
“Really? That’s good to hear–”
Hindi niya naituloy ang sasabihin dahil biglang tumunog ang cellphone ko. Nasa loob iyon ng aking clutch bag kaya inilabas ko pa mula roon.
Kumunot naman ang noo ko nang makita kung sino ang tumatawag. Si mommy iyon. Katatawag nga lang niya kani-kanina kaya nagulat akong tumatawag na naman siya ulit.
“Mom? Napatawag ka po ulit?” masiglang sagot ko. Napalingon naman sa akin si
