ZANDRO’s POV
Naglatag ako ng foam sa may labas ng pintuan ni Patriz. Nais ko lang na masiguro na hindi ako nito matatakasan. Hindi pa siya lumalabas ng kwarto simula nang dumating ako.
Ang sabi ni Perla ay bihira talagang lumabas si Patriz. Halos lahat ng kailangan niya ay nasa loob ng kwarto. Kapag breakfast, lunch at dinner lang ito madalas lumalabas.
Simula bukas ng umaga ako na ang magluluto ng breakfast niya. May sinabi si Perla na gusto nitong kainin sa umaga. Ako na ang bahala at kayang-kaya kong gawin iyon.
Sinubukan ko pang buksan ang pinto nito ngunit naka-lock. Kaya nahiga na lamang ako sa aking magiging higaan sa gabing ito.
Ang tahimik ng kabahayan. Tanging tunog ng electric fan ang maririnig.
Hindi ko alam kung anong oras ako nakatulog, Maaga rin akong nagising dahil
