PATRIZ’s POV
Ngayon lang nangyari na hindi ko nakikita si Zandra. May mga pagkakataon noon na hindi ko man siya makita, matagal na ang dalawang araw. Ngayon, one week na kaming walang communication.
“Hon, miss ko na si Zandra,” lambing ko kay Zandro. Patulog na kami nito. Hindi pa rin sila nakakapag-usap muli ng mommy niya. Bukas naman ang linya niya para magka-ayos sila pero wala pang nangyayaring pag-uusap muli.
“Ako rin, hon. Miss ko na ang kapatid kong makulit at malambing. Paano kung wala ka pa sa tabi ko? Doble ang kalungkutan ko,” tugon nito sa akin at hinarap na ako. Inayos pa niya ang ilang hibla ng aking buhok.
“Pwede mo ba siyang tawagan kahit thru video call? Gusto ko talaga siyang makita. Baka hindi ako makatulog kung hindi ko siya makita ngayon. Laging pictures na lang ni
