SONIA’s POV
Hinihintay ko ang aking asawa para makatulog na kami. Nauna lang akong umakyat sa kanya. Iniwanan ko siya na tinatapos ang kanyang pagkakape. Dumaan din ako sa kwarto ni Zandra para mag-good night.
Alam ko na may tampo rin ang bunso ko lalo na’t inalisan ko siya ng phone. Close siya kay Zandro at kay Patriz kaya pati siya ay naapektuhan sa pangyayari.
Nakapag-shower na ako’t lahat wala pa rin si Anton. Napilitan na akong lumabas ng aming silid. Pinatungan ko ng roba ang aking manipis na lingerie.
Pababa na ako ng hagdan ng mapansin kong bukas ang kwarto ni Zandra. Imbis na bumaba ako, sa kwarto ni Zandra ako nagtungo. Nakita ko si Anton na nakatalikod sa may pintuan habang may naririnig akong nagsasalita. May kausap si Zandra at boses ni Zandro ang isa ko pang naririnig.
