PATRIZ’s POV
Inabala ko na lang sa maghapon ang aking sarili sa trabaho.
Nang wala ng costumer ay tinawag ako ni Madam Lucila at may close door usapan kaming dalawa sa may pantry.
“Kumusta ka? Kumusta kayo ni Zandro?” kanina pa niya ako sinabihan na mag-uusap kami pero hindi naman kami nagkaroon ng pagkakataon dahil busy pa ako sa costumers. Nagsunud-sunod ang dating nila. Kanina ko pa nga iniisip, kung ano ang sasabihin sa akin ni Madam.
“Okay naman po.” Totoong okay naman kami at kumusta lang naman ang tanong niya.
“Hindi pa malinaw sa akin kung anong meron sa inyong dalawa, pero nakikita ko na masaya ka. At ganoon din kay Zandro. Nag-message sa akin kagabi si Ma’am Sonia. Nagtatanong siya tungkol sa inyong dalawa. Nagsumbong daw si Monica na sinabi ni Zandro na girlfriend ka niya.”
