OCEANE POV
KINABUKASAN, mahimbing pa ang tulog ko nang may marinig akong kumakatok sa pinto ng kʼwarto ko.
Tok! Tok! Tok!
Kinuha ko ang isang unan ko at tinakpan ang aking tenga pero patuloy pa rin ng pagkalabog sa aking pinto, hindi lang iyon dahil may naririnig na rin akong boses mula sa labas ng kʼwarto ko.
“Oceane! Oceane, bilisan mo! Gumising ka na dʼyan!”
Tinanggal ko na ang aking unan sa tenga ko at doon ay naririnig ko pa rin ang mabilis na katok at boses, boses ni Annie iyon.
“Oceane, gumising ka na dʼyan! Oceane!”
Lalong lumalakas ang boses ni Annie sa labas.
Kaya napatingin ako sa pinto ng kʼwarto ko. “Anong nangyayari?” tanong ko sa aking sarili habang hindi pa rin naaalis ang antok sa aking katawan.
“Oceane?”
Agad na akong napabangon dahil parang sinisira na ni Ann
