CHAPTER 14
Abegail POV
Tumawag si Rafael sa cellphone ngunit hindi ko iyon pinansin dahil naiinis pa rin ako sa nakita. Bumabalik pa rin sa aking alaala ang eksenang iyon sa restaurant. Ilang ulit siyang tumawag, pero hindi ko sinagot. Ang sakit na naramdaman ko noong makita ko siyang may kausap na babae at nagnanakaw pa ng halik ay tila ba muling bumabalik, kaya mas pinili kong huwag muna siyang kausapin.
Habang nakaupo ako sa kwarto, pilit kong nililibang ang sarili ko. Pinapanood ko ang mga paborito kong TV shows, pero kahit anong pilit kong i-focus ang isip ko sa palabas, bumabalik pa rin sa isip ko si Rafael at ang babaeng iyon. Napahiga ako sa kama at nagbulay-bulay, iniisip kung tama ba ang ginagawa ko.
Ding! Nag-vibrate ang cellphone ko. Isa na namang text mula kay Rafael. Binu
