“NANGAKO ka kay Aiden na hindi ka na iiyak, hindi ba?”
Natigil sa paghakbang si Glaysa at sa tangkang pagpupunas ng luha. Bago pa niya maharap si Adam ay napasinghap na siya nang yakapin siya nito mula sa likuran.
“A-Adam…” Sinikap niyang kumawala.
“Be still,” aroganting utos nito.
Napalunok si Glaysa. Pagkatapos ng nangyari kanina sa dalampasigan ay iniiwasan na niya si Adam, lalo na ang tingnan ito. Sinamahan nilang manood ng cartoons kanina si Aiden hanggang sa makatulog na ito. Adam tucked him in bed. Siya naman ay lumabas ng bahay at naglakad-lakad. Pumasok siya sa may kakahuyan nang makitang may pathway papunta doon. Patuloy siyang naglalakad, hanggang sa mapaiyak na naman siya dahil sa mga iniisip.
“Don’t cry anymore…
