NANINIKIP ANG dibdib ni Adam sa selos sa nakikitang pakikipag-usap ni Glaysa sa lalaking iyon. Glaysa was smiling so sweetly at the guy and he hates it. Kahapon nang sundan niya si Glaysa ay nakita niyang itong lalaking ito rin ang kinatagpo nito sa isang restaurant. At ngayon nasa isang resort ang dalawa. He hated it. Napaparanoid siya. Natatakot na baka mawala sa kanya ang dalaga.
Ah, ang lalaking iyon. Hindi maitago ng mga mata nito ang pagnanasa sa mahal niya. He clenched his teeth. Gusto niyang dukutin ang mga matang iyon bago apak-apakan sa lupa. Gusto niyang bugbugin ang lalaking iyon hanggang sa hindi na ito makakilos.
Tumiim ang bagang niya. Kinuha niya ang balisong sa compartment ng kotse niya at iniipit sa boots niya. Kanya lang si Glaysa, kanya lang!
