Chapter 35: Mamama-alam
Agad na binuhat ni Ivan si Lori para dalhin sa ospital matapos na duguin ito. Si Feliz pala ang naka-away nito sa court kanina kaya nangyari ang aksidente.
Dumadagundong ang kaba sa dibdib ni Ivan. Buntis pala si Lori. Hindi ganito ang inaasahan niyang paraan na malalaman niya na magiging ama na siya. Nanganganib pa ang baby nila ni Lori. Kaya lahat ng emosyon- pagka bigla, pagka sabik, pagka lungkot, pag-aalala, at galit ay sabay- sabay niyang nararamdaman. HIndi siya mapakali habang binabantayan si Lori sa ospital.
Napahingang maluwag si Ivan nang kinausap siya ng doktor at ibinalitang ligtas na sa panganib ang mag-ina niya. Mabuti at mahigpit ang kapit ng baby, ganoon pa man, binigyan pa rin ng gamot pampakapit si Lori at binilin kay Ivan na kailangan ng ma
