(Mia's POV)
"Buti po at nakauwi ka ngayon, 'La?" ani Agatha habang nilalantakan ang dala ni Lola Nessy na malalaking hipon. Lalo ko tuloy naalala si Brian dahil ganoong-ganoon din kalalaki ang mga hipon na kinakain namin doon sa mansiyon niya.
Magha-half day na lang daw si Agatha sa pagpasok sa store dahil na-miss niya raw si Lola Nessy. Bukas kasi ng maaga ay aalis na naman si Lola para pumasok ulit sa trabaho niya. Nakakabilib talaga siya dahil kahit matanda na siya ay ang sipag pa rin niya. Hindi tulad ng ibang matatanda na kapitbahay nina Agatha na mas gusto na lang maglaro ng baraha maghapon at minsan hanggang gabi pa.
"Biglaan kasing umuwi ang Amo ko. Nagulat nga ako. Hayun, pinauwi muna niya ako tutal ay day-off ko naman daw. Ipinahatid pa nga niya ako sa driver niya."
"Wow, ang
