"Oh my, God!" Napatutop sa bunganga si Aliyah.
Napatalikod naman bigla si Rica dahil nasusuka ito.
At nagyakap sa isa't isa sina Ruby at Annie.
Gawa ng nakakakilabot na nakita nila sa bangkay ni Licienna. Para kasi iyong hinukay ulit, tapos andaming dugo na nagkalat at makikita pa ang buto na may laman-laman pa, na tila ba kinain o nginangatngat iyon ng 'di pangkaraniwang nilalang.
Si Noel lang ang 'di kumilos sa kanyang kinauupuan. Nangangamba siya. Bakit 'di niya kasi iyon inayos? Siguro ay dahil sa pagkawala na niya sa sarili kagabi, na hindi niya maipaliwanag kung bakit.
"Ano 'yan?" diring-diri na ani Annie na ang tinutukoy ay ang buto.
Yumukod si Gilbert para kilatisin iyon pero nang makita nito ang mga daliri ay napasinghap ito at napaatras sa kabiglaan. Malinaw na sa binata na
