طفلتي... ❤

صحيت النهارده علي احلي خبر في حياتي بس مكنتش اعرف انه زي ما هيكون اسعد يوم في حياتي هيكون برضو اتعس يوم اعرفكم بنفسي انا دليلة مخلصه ثانوية عامه والنهارده النتيجه صحيت علي تلفون من صحبتي شهد وهي بتقولي: انتي لسه نايمه يا خايبه قومي يا بت انتي طلعتي الاولي علي الثانوية العامه يعني خلاص هتحققي حلمك قومي بقي يخربيتك غيبوبة يا دليلة انتي معايا مكنتش مصدقة نفسي وقولت: معاكي يا شهد انتي بتتكلمي جد انا طلعت الاولي يا الله انا بابا هيفرح اوي هو طول عمره بيحلم باليوم دا بس طمنيني عليكي انتي عملتي اي ضحكت وقالتلي: هكون عملت اي يعني جبت النص بالعافية اعمل اي انا عارفه اخرتي اتجوز واقعد في بيت جوزي اطبخ واغسل المهم يا حبيبتي ان انتي حققتي حلم مامتك وباباكي رديت بحزن لان امي متوفية من فترة وقولت: الله يرحمها يا شهد انا فعلا تعبت وعملت المستحيل عشان اريحها في قبرها واخليها فخورة بيا وانتي متزعليش نفسك اكيد ربنا شايلك الاحسن يا حبيبتي وسط كلامي انا وهي سمعت صوت صويت جاي من تحت اتخضيت وقولت اكيد في مصيبه قفلت بسرعه ونزلت اشوف في اي اول ما نزلت لاقيت داده فاطمه بتعيط حسيت بوجع في قلبي وبسرعه جريت عليها وقولتلها: في اي يا داده مالك بتعيطي ليه انتي تعبانه جوزك حصله حاجه طب حد من عيالك متردي عليا يا داده بقي انتي قلقتيني قربت وخدتني في حضنها وقالت: انا اسفه يا بنتي دا قضاء ربنا هو اكيد في مكان احسن من هنا ربنا يصبرك يا ضنايا انتي لسه صغيرة علي كل دا بس دي مشيئة ربنا انا مكنتش فاهمه حاجه وقولتلها وانا بضحك: مالك يا داده اي كل الكلام دا الله انتي عرفتي اني نجحت وبتعملي فيا مقلب صح بطلي بقي ويلا نجهز الاكل بابا زمانه جاي من السفر رديت عليا وهي لسه بتعيط وقالت: انا اسفه يا دليله البيه وهو راجع عمل حدثة اتصلوا من المستشفي وبلغوني ابلغك البقاء لله يا حبيبتي اتصدمت مستحيل يكون دا صح هو مستحيل يسبني هو وعدني ضحكت وقولت: انتي اكيد بتكدبي مالك يا داده ليه بتعملي فيا كدا انا برضو دليلة حبيبتك بابا مستحيل يسبني هو قالي انه راجع لازم افرحه بنتيجتي انا اهو نجحت وحفقت حلمه وحلم ماما بداءت انهار علي الارض واعيط واقول باعلي صوت: انتوا ليه بتعملوا فيا كدا لدرجادي انا وحشه كلكم سبتوني ومشيتوا انا عملتلكم اي انا عايزة اموت يارب خدني عندك انا محدش بيحبني انا عمري ما هسامحهم ابدا وفجاه محستش بنفسي واغمي عليا وجبولي الدكتور وقال ان عندي انهيار عصبي عدي كام يوم وعمي قام بالواجب والدفن والعزاء وانا كل دا ساكته مش بتكلم خالص نزلت بالعافية الجنينه بعد ما داده فاطمه فضلت تزن عليا وكنت بحاول اخرج من الحاله اللي انا فيها لاني عارفه كويس ان كدا اهلي مش هيكونوا مرتاحين وفجاه لاقيت عمي داخل عليا انا مش مستغربة وقفته معايا لاني عارفه كويس انه طمعان في الشرمة والفلوس بس حاولت اتعامل معه كويس لاقيت بيقولي: طمنيني عليكي يا دليلة عامله اي دلوقتي مش كفايه يا بنتي الحزن في القلب وابوكي دلوقتي في مكان احسن بكتير واكيد قلبه وجعه عليكي وعشان كدا انا خدت قراري عشان اخويا يطمن في قبره استغربت وقولتله: انا الحمدالله بخير يا عمي بس معلش قرار اي اللي حضرتك خدته دا وبابا الله يرحمه هيبقي مطمن بيه مش فاهمه رد وقالي: انتي لازم تتجوزي يا دليلة وعريسك عندي هو علي وصول خلاص انتي مش صغيرة ومش هينفع تعيشي لوحدك كلام الناس مش بيرحم يا بنتي قومت متعصبة وقولت: اي اللي حضرتك بتقوله انا ابويا لسه ملحقش يكمل اسبوع وانت بتفكر في جوازي اللي بتقوله دا مستحيل اوافق عليه وياتري مين بقي العريس عايز ترميني لمين يا عمي ان شاء الله عشان تتمتع بفلوس ابويا مش دا كل اللي همك لاقيته اتعصب اوي وقبل ما ارد عليه لاقيت حد ض*بني بالقلم اتصدمت انا عمر ما حد عملها معايا مين دا بصتله كدا وقولت بزعيق: انت اتجننت مين سمحلك تدخل هنا انا هوريك يا امن انتوا يا اللي هنا مين سمح للحيوان دا يدخل لاقيته بيبصلي وباين عليه غضب ربنا ومسكتي من دراعي وقال: لما تتكلمي مع عمك يبقي تتكلمي باحترام ولا هي امك معرفتكيش ازاي تحترمي الاكبر منك لو هي معرفتش تربيكي يا ست دليله فانا هربيكي زقيت ايده وقولت: وانت تبقي مين اصلا واي اللي دخلك بيني وبين عمي واياك تجيب سيرة امي علي ل**نك انا امي ربتني احسن تربية رد عمي وقال: دا يبقي زين ابني وعريسك يا دليلة متزعليش منه بس هو عصبي شوية وانت يا زين براحه عليها شوية دي لسه عيله صغيرة كنت لسه هتكلم لاقيته بيقول: انا اه كنت معترض عليكي بس خلاص غيرت راي وانا موافق علي الجوازة دي بس انا عندي شرط واحد بس بصيتله وقولت بتريقة: لا وكمان بتتشرط علي اساس اني هموت عليك اوي وياتري اي هيكون شرط حضرتك بقي بصلي بق*ف وقال: انا اتشرط براحتي وهتنفذي غصب عني بكره تحضري نفسك عشان هاخد عند دكتورة النساء مفهوم رديت وانا بضحك وقولت: ليه ان شاء الله حد قالك عليا حامل ولا تكنش انت اللي حامل يا حرام مين اللي ضحك عليكي يا بطة لاقيته اتعصب اوي ولسه هيمد ايده عليا ابوه وقف قدامي وهو رد وقال: انا معنديش صبر تمام انا لازم اطمن علي اسمي وشرفي اللي عيله زايك هتشيلوا وهنروح نعمل كشف عذرية مش يمكن تطلعي زي امك محستش بنفسي غير وانا بض*به بالقلم وقولت: اياك تجيب سيرة امي تاني وانا مستحيل اتجوز واحد زايك ومش هروح معاك في حته وياريت مشفش وش حد فيكوا هنا تاني سبتهم وطلعت جري علي اوضتي وعمي خده ومشي وانا افتكرت ان كدا خلاص الكابوس دا هنام وهصحي منه بس مكنتش اعرف اللي مستخبي ليا تاني يوم في الشركة بتاعت زين ما هو طلع بيحب يستقل في شغله لوحده وصل ودخل بكل ثقة وغرور والكل وقف ليه خوف واحترام بعد شوية دخل عليه صديق عمره وشريكه منير وقاله: اهلا يا صباح الفل عليك يا بيبي جاي في معادك بالظبط انت اي ظابط نفسك علي الساعه ولا اي حكايتك رد عليه بعصبية وقال: وبعدين معاك يا منير متنساش اننا في الشغل اركن الصحوبية علي جنب بعد اذنك انت عارفني الشغل شغل رد وقاله: واخيرتها معاك يا زين هتفضل تعذب في نفسك كدا لحد امتا كل دا عشان واحده زباله متستهلش ضفرك اصلا شوف حياتك يا حبيبي زين بصله بحزن وبعدين رجع لقوته وقال: منير قولتلك متفتحش الموضوع دا قدامي مهما حصل انت اي مبتفهمش وخلاص اديني هنفذ رغبتكم كلكم وهتجوز عايزين اي تاني منير اتصدم وقال: انت بتقول اي اخيرا يا شيخ حرام عليك دا انا كنت فقدت الامل فيك بس ياتري مين بقي اللي قدرت تغير رايك اللي بقالي سنين مش قادر عليه ضحك وقال: ولا واحده كلهم زي بعض دي حته عيله بس ل**نها مفيش اطول منها ولازم اربيها واهو كله عشان اخلص من زنهم في البيت رد وقال: وياتري ابوك وافق ازاي وكمان عيله يا زين يعني تسيب الابطال اللي هيموتوا عليك عشان حته عيله بجد مش فاهمك زين الحزن بان عليه وهو بيقول: اعمل اي بنت عمي ومش هينفع تعيش لوحدها وثروة عمي مينفعش ابويا يسيبها للغريب طبعا واصلا كنت رافض بس لولا طولت ل**نها هي تستاهل تدخل عرين الاسد منير قرب منه وقال: اي يا صحبي بداءت اخاف منك اوع تنسي انها بنت عمك وكمان عيلة صغيرة بلاش تظلمها يا حبيبي راعي ربنا فيها بصله وقال: طب يلا نشوف شغلنا يا منير عشان انا ورايا مشوار مهم عايز الحقه وسيبها علي الله في بيت عمي كان نازل علي الشركة بس وقفته مراته وهي بتقول: واخرتها معاك يا صابر انت ليه بتعمل في ابنك كدا متحل مشاكلك وق*فك بعيد عنه هو ناقص كفايه اللي فيه رد وقالها: في اي يا نادية علي الصبح هو انتي عايزة تتخانقي وخلاص مش كفايه الشرط الزفت اللي ابنك حطه علي البت ربنا يستر والجوازة دي تتم احسن والله هيشوف مني ايام سودا ضحكت وقالت: وفيها اي الواد عايز يطمن علي شرفه مش يمكن تطلع زي امها احنا مش هنفضل نلم في الزبالة انا ابني مش زي اخوك رد وقالها: بقولك اي عدي يومك انا وانتي عارفين كويس امها كانت اي بلاش نفتح في اللي فات تمام والجوازة دي هتم غصب عن اي حد انتي فاهمه سابها ومشي وهي كانت متعصبة اوي فجاه بنت اختها اتصلت بيها وقالتلها: ازاي يا خالتوا عامله اي بجد وحشاني اوي بس اي دا مال صوتك انتي كويسه يا حبيبتي رديت وقالت: اه يا نسمة بخير يا حبيبتي بس عمك هيجنني انا مبقتش عارفه اعمل معه اي وفي الاخر عايز يجبر ابني علي بنت اخوه نسمة اتصدمت وقالت: انتي بتقولي اي يا خالتوا ما كلكوا عارفين اني بحب زين ومش هقدر اعيش من غيره انا مش هخلي دا يحصل قالتلها: مش عارفه اقولك اي يا حبيبتي بس انا بحاول امنع الجوازة الزفت دي انتي عليكي وعلي زين حاولي تتكلمي معه هو اصلا مش قابل الموضوع وبكلمتين منك الموضوع هينتهي رديت وقالت: اكيد يا خالتو انا مش هسيب زين لغيري لو هعمل اي وانتي متزعليش نفسك انا هتصرف انا برضو نسمة يا حبيبتي قفلت مرات عمي وقالت: ابقي وريني هتنفذ اللي انت عايزوا ازاي يا صابر فكرني مش عارفه عايز تجوز ابني للبت دي ليه فكرني ع**طه يانا يا هي وهتشوف يا حبيبي قومت وانا بحاول انسي اللي حصل امبارح واتصلت بشهد وخرجت اقا**ها بره وبمجرد ما خرجت من باب الفيلا لاقيت زين وقف بالعربيه قدامي ونزل وزي ما هو عينه بطلع شرار وجع وقف قدامي قولتله: بقولك اي انا مش فايقه ليك خالص دلوقتي وسع من وشي لو سمحت عشان ورايا معاد مهم ومش عايزة اتاخر رد وقالي بكل برود: اي راحه تقابلي الزفت اللي غلطي معه وعشان كدا مش قا**ه بشرطي ولا اي وانا اللي كنت فاكر انك عيله وظلمك قولتله: انت انسان مريض اقسم بالله فاكر نفسك مين ابعد عني بقي انا مبقتش طايقة اشوفك قدامي اكتر من كدا مردش عليا وشدني من دراعي وركبني العربية غصب عني وركب جانبي وقال: دلوقتي هنشوف وهنعرف الحقيقه كلنا يا هانم وساعتها مش هرحمك يا دليلة انتي فاهم ياريت مسمعش صوتك لحد ما نوصل خوفت منه وفضلت ساكته وبعد شوية وقت وصلنا عند الدكتورة واول ما دخلنا قالت: خير تحبوا اساعدكم ازاي مالك يا حبيبتي خايفه كدا ليه اهدي مفيش حاجه رد عليها ببرود وقال: بقولك اي انا مش عايز كلام كتير دي تبقي بنت عمي وهتبقي مراتي وعايز اعمل كشف عذرية حالا واياكي تفكري تضحكي عليا لاني اكيد مش هعتمد علي كشفك انتي بس مفهوم رديت الدكتورة وقالت: انت اتجننت ازاي تتكلم معايا بالاسلوب دا انت متعرفش انت فين دي عيادة محترمه مينفعش اللي بيحصل دا خالص رد بعصبية وقال: قولتلك مش عايز كلام كتير انا اقدر في ثواني اقفل العيادة دي اتفضلي شزفي شغلك وبسرعه لان معنديش وقت وانتي بطلي عياط ويلا قومي معاها حسيت الدكتورة خافت منه وقومت من غير ما اقول ولا حرف وبعد شوية طلعت الدكتورة وهو قالها: اي اكيد زي ما توقعت طلعت زباله زايها زي غيرها كلكم صنف واحد عايزين الض*ب بالنار رديت الدكتورة وقالت: كفايه كدا يا استاذ دي طفلة صغيرة وهي كويسه مفيش فيها اي حاجه ولسه بنت بنوت ياريت براحه عليها شوية رد وقالها: هي لحقت تتفق معاكي ولا اي انا قولتلك والله هقفلك المكان خالص انا اقدر اعمل كتير اوي بلاش تلعبي معايا قالتله: انا مش ه**ب حاجه من الكدب حضرتك دا شغلي وانا قومت بيه واللي جوه دي طفلة لسه زي ما هي واصلا متنفعش للجواز انا معرفش ازاي هتعملوا فيها كدا طلعت وهو قالها: وفري كلامك لنفسك يلا يا زفته مش هنبات هنا انا مش فاضيلك امشي قدامي قال طفلة قال في الشركة عند عمي وصل والكل رحب بيه وامر باجتماع سريع وفعلا تم وبداء يتكلم وقال: دلوقتي اخويا توفاه الله وانا اللي بقيت مسؤال عن الشركة كلها لان طبعا بنت اخويا لسه صغيرة فياريت الكل يتعاون معايا عشان تفضل الشركة في مستوي كويس الكل رحب بيه جدا وواحد من الموظفين قال: نورت الشركة يا صابر بيه بس عندي سؤال انا سمعت ان حضرتك اتحبست فترة هو دا مش هيأثر في شغل الشركة عمي اتعصب جدا بس حاول يتمالك اعصابه وقال: اظن مش هياثر ولا حاجه وانا اه اتحبست بس كنت لسه صغير شاب وطايش وكله بقي في الماضي خلينا في دلوقتي المهم احب اعرف الكل ان بكره كتب كتاب ابني زين علي بنت اخويا دليله هانم والكل معزوم الكل بارك لعمي وهو بقي مبسوط انه خلاص وصل للي بيحلم بيه وبقيت الشركة كلها في ايده وان محدش هيتحكم فيه تاني في النادي منير كان خلاص شغل وراح يقابل ناس صاحبه شاف شهد وهي قاعده وهو بقاله فترة بيشوفها ومعجب بيها جدا حاب يروح يرخم عليها ويشوف هي هتعمل اي راح وقالها: معلش يا انسة هو انا ممكن اقعد معاكي هنا اصل صاحبي اتاخروا وزي ما انتي شايفه المكان مش فاضي خالص لو مش هضايقك يعني ممكن شهد بصيتله وقالت: اظن في ناس كتير غيري قاعده لوحدها وشباب مش بنات مش لازم تقعد هنا يعني بس عمتا اتفضل منير اتحرج بس قعد برضو وقال: شكرا جدا ليكي انا اسف والله بس انتي واخده الترابيزة اللي في وش الباب وكدا هقدر اشوف صحابي او هما يشفوني رديت وقالت: تمام مفيش مشكلة بس ممكن تسبني اكمل الرواية اللي في ايدي مش بحب حد يقاطعني وبالذات لو شخص معرفهوش فضل منير قاعد ساكت شوية وبعدين قال: اعرفك بنفسي انا منير شغال في شركة المعمار وانتي اسمك اي بقي يا حلوة شهد قامت وقفت وقالت: هي ابتداءت بقي انا اللي غلطانه اني سمحتلك تقعد اصلا اشكال زبالة معرفش دخلوك المكان ازاي عن اذنك قام بسرعه وحاول يمنعها بس فجاه نسمة ظهرت وفضلت تنادي عليه شهد بصيت كدا وقالت بتريقة: يلا يا عسل روح للهانم بتاعتك اهي بتنادي عليك اهو سلام منير اتعصب اوي بس فرح بغيرتها اللي بانت وراح لنسمة وقالها: خير حضرتك عايزة مني اي زين مش هنا ومعرفش مكانه حاجه تاني نسمة رديت بغرور وقالت: عارفه انك بتكدب بس مش مشكلة بس هو فعلا زين وافق يتجوز بنت عمه دي ولا اي الحكاية رد وقالها: هو انا اللي بنت خالته ولا انتي متروحي تساليه او اسالي خالتك انا مال امي وعمتا اه وافق يا انسة نسمه حاجه تاني قالتله: وانا هعوز منك اي تاني يلا امشي من قدامي انا معرفش زين ازاي يصاحب الاشكال الزبالة دي بس معلش بكره يعقل وصلني زين لبيتي وانا طول الطريق بعيط وقبل ما انزل قالي: جهزي نفسك بكره هنكتب الكتاب واوعي تفكري تهربي يا دليله لانك مش هتقدري وساعتها هعاقبك وبلاش تشوفي مني الوش التاني احسن ليكي مفهوم نزلت من غير ما ارد عليه وطلعت اوضتي بسرعه وانا حاسه بقهر وذل انا ليه بيحصل فيا كدا كل دا عشان صغيرة ومليش اهل ياتري اي هيحصلي كمان يارب استرها عليا قومت صليت ونمت غصب عني من التعب ونسيت اكلم شهد تاني يوم صحيت علي صوت خبط داده فاطده وهي بتقولي: قومي يا دليله يا بنتي عمك تحت هو والماذؤن يلا يا حبيبتي عشان المعازيم اتصدمت معازيم اي هما لحقوا يعزموا ناس كمان هما اي الناس دي بجد مكنتش ناوية انزل وقولت اشوف هيعملوا اي فجاه الباب خبط وطلع صوت زين وهو بيقول: اقسم بالله يا دليلة لو ملبستيش في خمس دقايق ونزلتي متعرفي انا ممكن اعمل فيكي اي والله هدخل وهلبسك بنفسي انتي فاهمه بسرعه قولتله: حاضر حاضر هلبس وهنزل علي طول بس اوع تطلع هنا تاني انا نازلة وراءك خلاص مبقاش في هروب لازم اوافق بقدري ونصيبي لبست وحطيت ميكاب خفيف ونزلت وانا مستسلمه خالص مفقوتش غير علي صوت الماذؤن بيقول: بارك الله لكما وبارك عليكما وجمع بينكما في خير ولاقيت زين بيقرب مني وبيقولي: نورتي عرين الاسد يا دليلة هانم..... ياتري مرات عم دليله هتعمل اي.... ونسمة هتعمل اي بعد ما تعرف ان زين كتب الكتاب خلاص... وعم دليلة اي حكايته مع امها... واي السر المستخبي عن الماضي... وشهد ومنير اي هيحصل بينهم.... واي حكاية البنت اللي كانت في حياة زين... والاهم اي هيحصل مع دليلة في حياة زين... هنعرف الحلقات الجاية.. انتظرونا..