طفلتي... ❤

الفصل الرابع... 🌹

بداء الشاب دا يتكلم وهو بيضحك وقال: اي اللي حصلك يا زين بتجري وراء عيله صغيرة دي بقيت اخرتك بس بقولك اي هي جميلة بشكل غريب

رد زين بعصبية وقال: انت جاي تعمل اي هنا يا سمير عايز مني اي تاني انا مش نبهتك وقولت متخلنيش اشوف وشك انت اي مش بتفهم

ابتسم باستفزاز وقال: انا مش جاي ليك ولا نسيت اني زي ما كنت صحبك انا برضو ابن خالتك وخالتي عزمتني وانا مقدرش ارفضلها طلب وشكل سبب العزومه العروسة اللي وراءك دي هي خالتي مقدرتش عليك ولا اي

لاقيت زين بمسك ايدي بقوة اكتر من الاول وانا وراه ورد وقاله: احسنلك تبعد عينيك عنها دي خط احمر يا سمير كفايه الوساخه اللي شوفتها منك قبل كدا وانا ليا كلام تاني مع امي

بصلي وقالي: يلا يا دليلة ندخل نسلم ونمشي علي طول ملناش مكان في العزومه دي هبقي اجيبك مره تانية تتعرفي علي ماما... وراح بص للي اسمه سمير دا وكمل كلامه: اصل في ناس هنا ميستهلوش يقعدوا مع مرات زين بيه

مشيت معه وانا مش فاهمه حاجه والشاب دا جه وراءنا واول ما دخلنا الجنينه قربت مامته وقالت: هو في اي يا حلوة فكرك كدا هت**بي ابني صحيح البت شبه امها

رد زين عليها بزعيق وقال: بقولك اي يا ماما ملهوش لازمه الكلام دا انا همشي وهجيلك مره تانيه وشكرا علي المفاجاه اللي زي الزفت دي عن اذنك اشوفك قريب

شديني ومشينا من غير ما يسمع رد امه وركبنا العربية وطول الطريق وهو ساكت.... في بيت عمي وصلت نسمة كمان وعمي واول ما شاف سمير قال: انت بتعمل اي هنا انا مش قولتلك مية مره رجلك متدخلش البيت دا

رديت نادية وقالت: هو في اي يا صابر دا بيتي زي ما هو بيتك ودا ابن اختي اي هتحرمني منه وماظنش ذنبه ان ابنك كان مختار واحده مش كويسه لعبت عليهم هما الاتنين

رد وقالها: بقولك اي كلامك دا تضحكي بيه علي عيل صغير مش عليا انا ياريت مشفش وش الزفت دا في بيتي تاني مفهوم

سابهم وطلع فوق ومبقاش في غير نسمة وسمير ونادية وفضلوا قاعدين يتكلموا سوي.... شهد طلعت وكانت فرحانه جدا دخلت وباست راس امها واتاسفت علي اللي حصل ودخلة اوضتها..

مسكت التلفون اول ما جالها رساله وفتحتها: بقي انا حمار يا شهد والله عيب كدا في واحده تشتم جوزها وقرة عينيها عيب يا حبيبتي كدا انا هسامحك المرادي بس مفهوم بس عارفه لو حصلت تاني هسامحك تاني برضو

شهد كانت فرحانه اوي بالرسالة دي ومكنتش عارفه ترد تقول اي بس حاولت لانها لازم ترد وقالت: ما انت اللي اتعصبت عليا وفاكرني عيلة صغيرة وقال اي اعرف اي عن الحب تبقي حمار ولا لا

رد وقالها: حمار وستين حمار كمان سيبك انتي دلوقتي من الح*****ت دي وقوليلي انتي بجد بتحبيني ولا اي حكايتك

قالتله: وانا هكدب عليك مثلا بس انا اسفه مش هقدر اقولها غير لما تبقي حلالي يلا بقي يا قرة عيني تعال اطلبني من امي

رد بسرعه وقال: يالهههوي يا نااااس من عيني يا نور عيني هكلم اهلي في اقرب فرصة وهاجي اخدك وبالمره اشوف الرخم ابن عمك دا

ضحكت وقالت: ومالك متعصب كدا دا حته كريم لطيف ومحترم وحلو وبيحبني وكمان بينفذلي كل طلباتي عشان بس ارضي عنه

رد منير وقال: بت انتي عشان مقتلكيش من اولها اياكي تتكلمي عن راجل غيري مفهوم واللي هيفكر يقربلك يبقي لعب في عداد عمره ويلا بقي روحي نامي الوقت اتاخر

ضحكت وقالتله: حاضر يا عم براحه انت بتزعق ليه بس ما انت كنت كيوت عمتا انا هنام لاني تعبانه وبكره نتكلم تصبح علي خير

قفلت شهد وهي مبسوطة اوي وقامت تغير وتاخد دش عشان تصلي.... بعد ما وصلنا البيت زين دخل وهو متعصب اوي وانا كنت خايفه منه ياتري هيعمل اي اكيد هيطلع عصبيته فيا

كان طالع الاوضة وقف وقالي: خالي دادة تحضر الاكل وتجيبه فوق وانتي تعالي ورايا عشان عايزاك واياكي تتاخري يا دليلة

اترعبت من صوته وبسرعه نفذت اللي طلبه وطلعت وراه واول ما دخلت وهو وقف وقرب مني من غير ما احس قولت: انت هتعمل اي يا زين بالله عليك اوع تقربلي انا مش عايزة اخاف منك ارحمني بقي وبلاش تطلع عصبيتك فيا

استغرب زين طريقتي وخوفي وقال مستحيل تكون دي نفس البنت اللي ض*بتني بالقلم وبسرعه قالي: هو انتي في اي ليه كل لما اقرب منك تعملي كدا

حسيت بخوف معقول يكون عرف رديت بسرعه وقولت: انت بتقول اي يا ابيه مفيش حاجه بس انا طبيعتي كدا عشان مكنتش بخرج ومكنش ليا صحاب غير شهد صحبتي بس

زين كان متاكد اني بكدب ومخبيه حاجه بصلي ورجع قعد مكانه وقال: تعالي يا دليلة ومن غير ولا صوت واياك تعترضي عشان لو قومت مش هيحصل طيب

روحت بسرعه ناحيته وراح شدني وقعدني علي رجله وقالي: بصي يا دليلة عشان حياتنا تمشي كويس انا عايزاك تسمعي الكلام واياك اسمع اسم اي راجل غيري علي ل**نك مفهوم

رديت وقولتله: حاضر يا ابيه بس بلاش تزعقلي انت لو مضايق عشان ض*بتك فانا اسفه وانت كمان ض*بتني وكدا نبقي خالصين صح

ضحك وقال: ماشي يا لمضة خالصين بس لو مسمعتيش الكلام عقابي وحش اوي وقوليلي بقي انتي في سنه كام

بصتله بحزن وقولت: انا لسه مخلصه ثانوية عامة واول ما عرفت اني نجحت وطلعت الاولي عرفت خبر وفاة بابا ونسيت الموضوع خالص

بداءت اعيط وهو شدني في حضنه وقالي: طب اهدي بلاش عياط انا معاكي اهو ومش هسيبك وهنحتفل طبعا بالخبر دا ولا تزعلي نفسك

مقدرتش اسكت وكملت عياط وانا بقول: هو ليه بيكرهني انا معملتش حاجه يا ابيه انا دلوقتي مبقاش ليا حد ضهري ات**ر خلاص ياريتني فعلا كنت معه وموت بدل ما انا عايشه لوحدي

بعدني عن حضنه وبصلي بعصبيه وقال: اي الكلام دا يا دليلة وانا روحت فين انا معاكي وطول ما انتي كويسه انا هفضل سندك وضهرك وعمرك ما هتكوني لوحدك ابدا اياك اسمع منك الكلام دا تاني

ابتسمت وروحت بوسته في خده وقولت: حاضر با ابيه شكرا اوي علي فكرة انت مش وحش اوب انت حلو ووحش بس يارب تفضل حلو علي طول هقوم استحمي عشان اصلي عن اذنك يا ابيه

قومت ودخلت الحمام وهو فضل يضحك وقالي بصوت مسموع: والله مجنونه وطفلة بس زي القمر هتعملي فيا اي يا دليلة هانم

خرجت راسي من بابا الحمام وضحكت وانا بقول: هعلمك تضحك وتعيش يا استاذ كشري انت لاني حلوة وبحب اشوف الكل فرحان

كان جاي ناحيتي قفلت الباب بسرعه وهو قال: ماشي يا دليلة بقي انا كشري طب لما تطلعي هوريكي الكشري هيعمل فيكي اي انجزي يلا عشان الاكل

فضل يضحك ودخل البلكونه يكلم منير صحبه وقاله: اي يا عم انت نستني خالص مكلمتنيش ليه عشان تطمني علي الاجماع واي اللي حصل في غيابي

رد منير وقاله: معلش يا حبيبي اصل النهارة حصلت احلي حاجه في حياتي ومن ساعتها وانا مش علي بعضي شكلي هحصلك

ضحك وقال: ياااه اخيرا منير وقع ولا حد سمي عليه بس مين هي دي اللي قدرت عليك يا ش*ي دا انت مقطع السمكة وديلها

ضحك منير وقال: والله ما هتصدق مين حته عيلة صغيرة زي مراتك وعلي فكرة مراتك تعرفها اسمها شهد

رد زين وقال: اه لسه دليلة قايلالي الاسم دا ربنا يسعدك يا صحبي يارب بس خالي بالك كويس عشان البنات اليومين دوال ميتأمنش ليهم

قاله: يا زين في اي هي مش دليلة حكتلك اللي حصل معاها لو وحشه كانت خبيت عليك وحته لو محكتش فدا اكيد خوف من معاملتك استهدي بالله واتعامل مع البنت كويس دي شافت ايام سودا

زين استغرب اوي وقال: انت بتتكلم عن اي يا منير واي اللي حصل لدليلة بالظبط واصلا امت عرفت منين الكلام دا

رد وقال: اعذرني يا صحبي انت لازم تعرف منها هي وصدقها لانها فعلا جميلة ونضيفة اوي وبالنسبة لعرفت منين فانا بحب شهد من بدري وكنت براقبها وبالصدفة شوفت اللي حصل لدليلة وانقذتها بس هي اغمي عليها قبل مت تشوفني صدقني يا صحبي دليلة مش مايا

زين كان هيموت ويعرف منير بيتكلم عن اي وجه صوت منير وهو بيقوله: انا هقفل دلوقتي يا زين وبكره نتكلم عشان تعبان بجد ومتقلقش الشغل ماشي تمام

قفل زين وهو كل اللي شاغله اي اللي حصل معايا ومش عارف يعمل اي.... في نايت كاب كام كريم قاعد وبيشرب ودخلت عليه مايا وسمير

واتجمعوا التلت شياطين وبداءوا يتكلموا ومايا قالت: هو اللي سمعته دا صح زين ازاي قدر يتجوز مش بيقول كارهه الستات ومستحيل يدخل واحده تاني حياته

رد سمير وقال: وهي دي اي واحده دي بطل يا بنتي بس لسه عيله صغيرة ومعرفش اي اللي في دماغ زين بس اللي فهمته ان كل دا عشان الثروة وكدا ومن ضغط ابوه

ضحكت مايا وقالت: يا عيني عليها دا زين هيطلع عينيها وهتتحاسب هي علي ذنب مش ذنبهت بس بنت حلال وتستاهلها

سمير وجه كلامه لكريم وقال: وانت عملت اي بقي حته عيلة زي دي مش قادر عليها يا كريم اي هتستني انت كمان تتجوز غيرك

رد كريم بغرور وقال: تتجوز غيري مين بس يا عم انت هو انا اي حد وكمان متقلقش امها في صفي وكله هيبقي تمام هي مسالة وقت بس

اتكلمت مايا وقالت: طب انا هعمل اي دلوقتي اي اللي المفروض يتم يعني انا خايفه اظهر لزين دلوقتي اكيد مش هيسمي عليا

رد سمير بخبث وقال: مين قالك انك هتظهري لزين لا احنا هنلعب علي العروسة هي دي هدفنا دلوقتي يمكن زي يتعصب وتموت في ايده

هنا اتكلم كريم وقال: انا نفسي افهم حاجه هو انت ليه يا سمير بتكره زين بالشكل دا رغم انه كان بيحبك جدا وبيعاملك كويس

سمير اتعصب وقال: عشان هو ميستاهلش غير الكره وكل العز اللي هو فيه دا المفروض انه بتاع امي بس امه ضحكت علينا واديت امي شوية فكه المفروض انا اللي اكون مكان زين هو خد مني كل حاجه وعشان كدا مستحيل اسيبه يعيش مبسوط لحظه واحده

كريم بصله بق*ف ووجه كلامه لمايا وقالها: طب وانتي يا مايا مش كان زمانك متجوزة زين وعايشه مبسوطه وبتصرفي فلوس براحتك ايه عملتي فيه كدا

ضحكت مايا وقالت: ومين قالك ان كل دا فارق معايا انا كل اللي يفرق معايا اني اكون مع سمير وبس انا عملت كل دا عشان اساعده لكن انا عمري ما حبيت زين دا خالص واول ما نوصل لهدفنا هنتجوز انا وسمير مش صح يا حبيبي

رد سمير بتوتر وقال: اه طبعا يا حبيبتي هو انا اقدر استغني عنك المهم انت بقي يا كريم ليه م**م تتجوز بنت عمك رغم انها عادي ولا عندها فلوس ولا غيرها

رد كريم وقال: مين قالك كدا شهد دي عند ارض تساوي ملايين وورق الارض دا قبل ما ابويا يموت ادهولي وانا خبيته وهي لسه متعرفش ومستحيل اسمحلها تاخد كل دا لوحدها وعشان كدا لازم اتجوزها وابقي انا المسيطر علي الجمل بما حمله

ضحك سمير وقال: حته انت مش سهل يا كريم المهم دلوقتي كل واحد يركز في هدفه عايزين نوصل في اسرع وقت لان كدا اللعبة بتبوخ

فضلوا يضحكوا ويشربوا ويرقصوا ولا فارق معاهم اي حاجه.... في بيت عمي دخلت ناديه وشغلت النور علي عمي وهو نايم وقالت: انتي ازاي تتكلم مع ابن اختي بالطريقة دي

رد وقالها: انا قولت اللي عندي يا نادية مش عايز كلام كتير انا جاي تعبان ومحتاج ارتاح بعد اذنك طفي النور

قالتله: لاخر مره هقولك يا صابر سمير ملهوش ذنب في حقارة مايا وياريت تتعامل معه باسلوب احسن من كدا تمام وبعدين اي حته العيلة دي

قام اتعدل وقالها: مالها دليلة يا ست نادية قمر واي واحد يتمناها وياريت بقي تراعي مشاعر ابنك ومكنش ليها لازمه تعزمي ابن اختك وابنك جاي انتي كدا هتخسريه والله انا حظرتك يلا تصبحي علي خير

خرجت مرات عمي وهي متعصبة اوي واتصلت بي نسمة وقالتلها: بقولك اي انا عايزة واحده عشان تشتغل في البيت عند زين في اسرع وقت

استغربت نسمة وقالت: ليه يا خالتي في اي ااااه اكيد عايزها عشان تنقلك اخبارهم صح كدا حاضر هشوفلك واحده يا حبيبتي

ضحكت مرات عمي وقالت: ايوة كدا صحصحي معايا معاكي لحد بكره مفهوم متتاخريش يلا سلام

قفلت وقالت بخبث: ابقي وريني بقي يا ست دليله هتعملي اي في اللي محضراه ليكي لو مخلتكيش تكملي عمرك في مستشفي المجانين مبقاش انا نادية

خلصت وطلعت مكنش زين في الاوضة وقفت قدام المرايا انشف شعري فجاه لاقيته بيحضني من ضهري ات**فت اوي وقولتله: ابيه في اي انت كويس ممكن تبعد بس شوية مش عارفه اتنفس بجد

رد وقالها: يا قلب ابيه انتي تعالي يلا عشان ناكل انتي مكلتيش من الصبح عايزاك تهتمي بصحتك شوية مش هينفع كدا

استغربت هو اي اللي غيره كدا قربت وحطيت ايدي علي راسه وقولت: انت مش سخن يا ابيه امال في اي هو انت اتخبط في راسك ولا اي

ضحك وقالي: لا يا ستي مفيش حاجه بس قولتلك طول ما انتي كويسه هتشوفي معاملو كويسه واهم حاجه انك متخبيش عليا يا دليلة مهما حصل احكيلي وهسمعك

اتوترت اوي وبقيت خايفه وقولت: بصراحه يا ابيه انا مخبيه عنك حاجه وخايفه اقولك انا حته مقولتش لبابا

زين بقي قلقان اوي وقالي: طب احكي يا دليلة وصدقيني هسمعك وهكون هادي خالص يلا انا معاكي اهو

بداءت اتكلم وانا مرعوبة وقولت:.........

ياتري نادية عايزة الخدامه ليه وهتعمل اي في دليله.... ومايا هتعمل اي وهتوصل لدليلة ازتي.... ومنير فعلا هيتقدم لشهد ورد فعل امها وكريم اي.... وصابر اي حكاية بعدها عن مراته بالشكل دا.... واي اللي دليلة مخبيه وهتصارح زين بيه.... وياتري اي هيكون رد فعل زين.... هنعرف الحلقات الجاية.... انتظرونا...