Iniuwi ako ni William sa bahay at doon kami nag usap na dalawa. Akala ko makakapasok ako sa trabaho ngayon ngunit dahil sa hindi inaasahang pangyayari ay hindi ito natuloy.
Nung nakita ko si Yael kanina sa cafe para akong binuhusan ng malamig na tubig parang lahat ng nakaraan ay bumalik sa akin.
Siguro ito na ang panahon para magsabi ako ng totoo kay William. Ako si Syrina ito ang tunay kong pangalan at ang Agatha ay anim na taon ng patay.
Nakaupo ako sa upuan noon at walang tigil sa pag-iyak dahil ito lang ang nakikita kong paraan para makaiwas ako sa mga tanong ni William sa akin.
"Sino 'yung lalaki kanina Agatha?" galit na tanong niya sa akin.
Nakayuko lang ako nito at hindi tumitingin kay William ng bigla siyang umupo sa harap ko at itinaas ang ulo ko upang makatingin ako sa mga
