Wala ni isa sa amin ang natulog. Hindi na ako magtataka pa. Siguradong walang makakatulog nito hangga't hindi pa naaayos ang lahat. Wala ni isa ang nagsalita o sumubok man lang.
Matapos ang nalaman ko, nawalan na ako ng lakas na magsalita at magtanong pa. Ang tagal kong naniwalang isa sa amin si kuya. Tapos ngayon ko lang malalamang hindi siya kasama sa pack. Hindi ako makapaniwala.
Iyon ba ang dahilan kaya nagiging mainitin ang ulo niya? Kaya ba hindi siya nakakatulog nang maayos tuwing gabi ay hindi dahil sa mga gala nila ng barkada niya? Dahil ba sa hindi niya makontrol ang sarili niya?
Wala siyang Alpha, isang pinunong makatutulong sa kaniyang kontrolin ang pagpapalit ng anyo niya at ang pagkatakam niyang pumatay. Walang nakararamdam noon sa amin dahil hindi siya nakakonekta sa pack
