“TOTOO nga pala ang balitang narinig ko,” taas kilay na usal at ulit ni Violeta sa sinabi nito dahil hindi kumibo sila Ariyah. Hindi naman makatingin ang dalaga rito dahil nakikita pa rin niya ang galit sa mga mata nito.
“Hindi ko alam kung anong nabalitaan mo pero hindi ko rin naman alam kung bakit ka nandito kasi sa pagkakatanda ko wala naman kaming inimbita,” mataray na sagot din ng Mama niya at kitang-kita niya ang gulat sa mukha ng Mommy ni Zac.
“Aba! Marunong ka nang sumagot ngayon! Bakit anong pinagmamalaki mo?” Galit na tanong nito sa Mama niya. “Hoy! Kalat na kalat naman na rito sa buong village ninyo na desgrasyada ‘yang anak mo! At balitang-balita na rin kung anong ginawa niya sa anak ko kaya huwag kang magmalaki na akala mo kung sino ka!”
“Ah, gano’n?” wika ng Mama niya pagt
