Several years later
“MOMMY!” anang matinis na boses ng anak ni Margaux na si Margarette. Kadarating lang niya mula sa opisina ng McQueen House, kung saan ay isa siya mga resident designer. Nagamit din niya ang hilig niya sa pagguhit at dahil nahilig siya sa latest fashion ay sinubukan niyang mag-sketch ng mga damit at kung ano-ano pang kasuotan. Lakas-loob niyang ipinasa ang portfolio niya sa McQueen House at sa pagkamangha niya ay agad siyang pinapirma ng kontrata ng kompanya. Kapag lumalabas ang damit na siya ang nagdisenyo ay may credits din sa pangalan niya. Ang nakalagay sa label ay “McQueen House by Margaux Santillan.” International company ang McQueen House kaya kahit paano ay may pangalan na rin siya sa mundo ng fashion design.
Ibinaba niya ang kanyang bag sa lapag, saka lumuh
