Karina
“DO YOU REALLY think I’m better than Jaime?”
Mula sa binabasang libro ay napatingin akong bigla kay Adan. “What?”
Kasalukuyan kaming nakahiga sa magkatabing beach chair na may malaking sun shade. Nakaharap kami sa payapang dagat. Doon kami tumambay nang mapagod kami sa paglalaro sa tubig. I can’t remember the last time I had that much fun. Naririnig ko ang sarili kong tawa at hindi ko mapaniwalaan na sa akin nanggagaling ang masayang ingay na iyon.
Hindi ko gustong masira ang magandang mood naming dalawa. Hindi ko sigurado kung saan patungo ang usapan na iyon.
“You said I’m a better man,” ang sabi niya, may kinang ng panunudyo sa mga mata.
Sandali kong inalala ang ilang bagay na sinabi ko sa kanya. Hindi ko sana gustong pag-usapan ang kahit na anong bagay na may kinalaman kay
