"Kailangan nating lisanin ang baryong ito," ang nahintatakutang pahayag ng kanyang lola, dahilan para gumulo ang isip ng binata.
"A-ano po ba ang nangyayari? Bakit tayo aalis?"
"Huwag ka ng magtanong. Mamaya ko na ipaliwanag sa iyo. Ang importante ay hindi nila tayo maabutan dito!" mariing sambit ng matanda at ang mukha nitoy nababakasan ng takot, kaya dahil doon ay unti-unti ring nabuhay ang takot ng binata sa kanyang dibdib.
Naguguluhan man, hindi na lamang siya nagtanong bagkos, ay sinunod na lamang ang matanda na ngayo'y panay ang tingin sa labas mula sa bintana. Mababanaag sa mukha ng lola Virgie niya ang pangamba, dahil kanina pa ito di mapakali.
Lumakad din siya palapit sa bintana, at dumungaw doon. Wala naman siyang nakikitang kakaiba, kundi ang saradong mga kabahayan, at ang
