"Huwag ka ng mahiya pa iho. Welcome ka sa pamamahay kong ito," ang nakangiting pahayag ni mama sa nakayukong si Miguel. Nahihiya pa rin kasi ito hanggang ngayon. Hindi nga sana siya sasama sa amin ni lola kanina, pero nakakaawa naman kasi kung iiwanan na lang namin siya doon. Utang namin sa kanya ang buhay namin, at hindi naman ata kakayanin ng aking konsensya na hayaan na lamang siyang maiwan sa baryo gayong galit na galit ang mga tao sa kanya, dahil sa ginawang pagligtas sa amin. Nagpatuloy sa pagsalita si mama."Maraming salamat sa ginawa mong pagligtas sa anak, at mama ko, kahit na alam mong masama ang maaring kahahantungan nito sa iyo. At isa pa, gayong wala ka ng ibang mauwian, ituring mo na kaming pamilya, at para na ring magkaroon ng kapatid si Shaun na matagal na niya sa aking
