Sa tuwing makakasalubong ko ang grupo nila, lalo na ang bruhang ambisyosang mukhang palaka na iyon ay lagi nila akong iniirapan. Lahat ay galit sa akin dahil napatameme ko sila sa huli kong sinabi. Wala naman sana akong balak na gawin iyon dahil wala naman talaga akong gusto kay Sir Jayden pero may gusto akong patunayan sa mga pangit kong kasamahan.
Halatang inggit na inggit sila sa akin dahil ang naging kasalanan ko lang naman ay nabangga sila tapos kung ano-ano na ang pinagsasasabi nila sa akin. Napakalayo niyon kaya’t alam kong matagal na nilang kinikimkim iyon. Mabuti pa ang isa nilang kaibigan, kinakausap at nginingitian pa ako.
Nagpatuloy kami sa trabaho sa gabing iyon. Anim na oras ang trabaho ko sa araw na iyon at hanggang closing ako kaya’t makaka-attend ako sa meeting na pina
