Myra's Pov:
Ilang sandali pa akong nakatitig lang sa itim na laso. Muntik pa akong mapaigtad nang marinig ang malakas at sunod-sunod na pagtilaok ng manok na hindi ko mawari kung nasaan. Hindi ko naman akalain na may manok pala rito sa malapit sa kinatitirikan ng tinutuluyan ko.
Sinilip ko ang bintana, pailan-ilan lang ang mga dumadaan sa labas ng bakuran ng bungalow. Hindi naman nakapagtataka iyon dahil maaga pa lang, alas otso pa lang ng umaga at hindi pa nga masyadong sumisikat ang araw.
Hindi ko alam kung bakit mukhang huli ang pagsikat ng araw dito sa Lungsod ng Bibinca. Siguro ay dahil karamihan ng mga nakatira rito ay mga demonyo. Ganoon naman talaga, hindi talaga pantay ang lahat, siguro ay ganoon din ang kalakaran sa mga demonyo rito sa lungsod ng Bibinca.
Umalis ako sa pagkak
