Myra's Pov:
"Sasabay na ako sa 'yo, Detective. Dadaan ka ba sa presinto bago ka umalis?" tanong ni Ronmar.
Tumango ako. "Hindi naman kita hahayaang maglakad pabalik sa presinto. Dadaan pa rin ako sa sementeryo bago dumiretso sa Bibinca City."
Sumabay na s'yang lumabas ng bahay. Dumiretso ako sa garahe habang s'ya naman ay dumiretso sa may gate at binuksan iyon.
Sumakay na ako sa sasakyan at binuhay ang makina niyon. Nang tuluyan ko nang mailabas ang sasakyan mula sa bakuran ay saka isinara ni Ronmar ang gate. Hinintay ko muna s'yang makasakay sa passenger's seat bago ipinagpatuloy ang pagmamaneho.
"Ako na ang bahala sa maintenance ng garden mo saka iyong mga rosas sa puntod ni Doctor Ledezma," imporma n'ya sa akin.
"Salamat."
Nang tuluyan na kaming makalabas sa subdivision ay mas b
