LINDSY
Marahan akong kumilos ngunit napangiwi ako ng maramdaman ko ang kirot sa buo kong katawan. Awtomatikong gumalaw ang kamay ko sa aking tiyan. Nakagat ko ang aking ibabang labi dahil hindi ko alam kung may buhay pa ba sa sinapupunan ko pagkatapos ng natanggap kong suntok sa tiyan. Bukod dito, matagal akong tumakbo, bumagsak din ako sa damuhan ng dalawang beses. Sa isiping posibleng naapektuhan ang baby ko ay hindi ko napigilan ang pagtulo ng luha ko.
Kahit masakit ang katawan ay naupo ako sa papag kung saan ako nakahiga. Nilibot ko ang paningin sa loob ng maliit na espayo na kinaroroonan ko. Wala nga yatang pumapasok na hangin sa loob dahil kahit bintana ay wala akong makita. Kung mayroon man ay maliit na butas na kahit insekto ay hindi makakapasok.
Sinubukan kong tumayo ngunit n
