LINDSY
"Roger, bigyan mo ng baril ang anak ko. Siguraduhin mong may bala iyan. Kapag hindi iyan pumutok, bala ko ang babaon sa katawan mo," utos ni Papa na sinamahan pa nito ng pagbabanta ang isa sa tauhan niyang kasama namin.
"Opo, boss." Humugot ito ng baril sa tagiliran nito. Pagkatapos ay sinigurado nitong may bala ang baril. Nang matiyak na may laman ang magazine ay binalingan niya ako. "Miss Lindsy, saluhin n'yo ito."
Nasa kabilang puno siya kaya dapat ay masalo ko ang baril. Hinagis niya ito sa kinaroroonan ko. Nakahinga ako ng maluwag dahil nasalo ko naman ito.
"Boss, palapit na sila," paalala sa amin ni Robert.
"Huwag kayong magpaputok hangga't hindi sila nakakalapit sa atin. Mauubusan tayo ng bala. At siguruhin ninyong tatamaan n'yo sila," bilin ni Papa bago bumaling sa
