LINDSY
Pinipigilan ko ang sarili na lumapit sa mga bulaklak na nakikita ko. Ang sarap pagmasdan dahil sa naggagandahan nitong mga kulay. Naalala ko tuloy kung pa'no pagandahin ni mama ang hardin. Halos punuin niya ang hardin namin ng iba't ibang klase ng bulaklak.
Pumikit ako at sinamyo ang sariwang hangin. Pakiramdam ko ay nasa mataas na lugar ako. Malayo sa lugar na puno ng usok at maingay hatid ng mga sasakyan. Malayo sa mga maiingay na bibig na walang inatupag kung 'di pagtsismisan ang mga kapitbahay. Napakapayapa ng lugar na ito. Iyon nga lang ay sumisikip ang mundo ko kapag narito si big boss. Mas maganda sana kung wala siya rito para hindi bilang ang kilos ko.
Malalim akong nagpakawala ng buntong-hininga saka tinukod ang siko sa mesa. Nakapangalumbaba na pasimple akong nagmasid
