LINDSY
Nakahiga at nakapikit ako ngunit nanatiling gising ang diwa ko. Ngayon ang gabi na pupunta si big boss sa party at maiiwan ako mag-isa dito. Galing pa siya sa opisina at umuwi lang para magpalit. Sa katunayan nga ay maaga siya umuwi dahil gusto raw niya ako sabayan kumain ng hapunan. At iyon nga ang nangyari bago siya naligo. Ngayon nga ay nasa banyo siya naliligo.
Bumangon ako sa higaan at umalis sa kama. Hindi ko na hihintayin na matapos siya dahil sigurado ako na hubad na naman siya.
Humakbang ako pero hindi pa man ako nakakarating sa balkonahe ay napansin ko nang lumabas siya sa banyo. Natigilan pa siya ng makita ako. Kalauna'y bumalik siya sa banyo at paglabas niyang muli ay nakabalot na ng tuwalya ang ibabang bahagi ng katawan niya.
"It's cold, Sy." Hinawakan niya ako s
