LINDSY
Nang uminom ako ng gamot ay naginhawahan ako. Kahit paano'y hindi na ako bumabahing pero makati pa rin ang ilong ko. Namimigat na rin ang talukap ko at nakakaramdam na ako ng antok. Ganito ako kapag umiinom ng gamot, mabilis antukin.
Iniwan muna ako ni big boss sa silid dahil kinausap niya ang lalaking nagdala ng gamot ko.
Pagkatapos ibigay ng lalaki ang gamot ay sinaraduhan niya ito ng pinto kahit parang gusto pumasok ng lalaki sa silid. Para bang ayaw nito papasukin ang lalaki at ayaw ako ipakita.
Bago siya lumabas ay hinayaan lang niya ang sliding door sa balkonahe na nakabukas para pumasok ang hangin. Gusto ko naman iyon dahil mas gusto ko ang sariwang hangin kaysa sa aircon.
Ilang sandali lang ay nakatulog na ako. Pag-gising ko ay maliwanag na at hindi ko na nakita si
